കണ്ണൂര്:പൊലീസ് കാവലില് ടി പി ചന്ദ്രശേഖരന് വധക്കേസിലെ പ്രതികളും കൊടുംകുറ്റവാളികളായ കൊടി സുനിയും സംഘവും മദ്യപിക്കുന്ന ദൃശ്യങ്ങള് പുറത്ത്.തലശേരിയിലെ ഹോട്ടലിന്റെ മുറ്റത്ത് വച്ചായിരുന്നു പരസ്യ മദ്യപാനം.
കോടതിയില് നിന്ന് മടങ്ങുമ്പോഴാണ് തടവുപുള്ളികള്ക്ക് മദ്യവുമായി സുഹൃത്തുക്കള് എത്തിയത്. സംഘത്തില് ടി പി കേസിലെ കൊലയാളികളായ മുഹമ്മദ് ഷാഫിയും ഷിനോജും ഉണ്ടായിരുന്നു.
കണ്ണൂര് സെന്ട്രല് ജയിലിലുള്ള പ്രതികളെ കഴിഞ്ഞ 17-ന് തലശേരി അഡീഷണല് ജില്ലാ കോടതിയില് ഹാജരാക്കാന് കൊണ്ടുപോയപ്പോഴാണ് സംഭവം.സംഭവത്തില് കണ്ണൂരിലെ മൂന്ന് സിവില് പൊലീസുകാരെ കഴിഞ്ഞ ദിവസം സസ്പെന്റ് ചെയ്തിരുന്നു. എആര് ക്യാമ്പിലെ സിവില് പൊലീസ് ഉദ്യോഗസ്ഥരായ വൈശാഖ്, വിനീഷ്, ജിഷ്ണു എന്നിവരെയാണ് സസ്പെന്ഡ് ചെയ്തത്.
