തിരുവനന്തപുരം: സ്വാതന്ത്ര്യ ദിനത്തോടനുബന്ധിച്ച് രാജ്ഭവനിലെ വിരുന്ന് സല്ക്കാരത്തിന് 15 ലക്ഷം രൂപയുടെ അധിക ഫണ്ട് അനുവദിച്ച് സംസ്ഥാന സര്ക്കാര്. രാജ്ഭവനില് ഗവര്ണര് ഒരുക്കുന്ന ‘അറ്റ് ഹോം’ വിരുന്നിനായാണ് പണം അനുവദിച്ചത്.
പൗരപ്രമുഖര്ക്കും വിശിഷ്ടാതിഥികള്ക്കുമായി ഗവര്ണര് ആഗസ്റ്റ് 15നാണ് വിരുന്ന് സല്ക്കാരം നടത്തുന്നത്. തുക അനുവദിക്കണമെന്ന് ആവശ്യപ്പെട്ട് ഗവര്ണറുടെ അഡീഷണല് ചീഫ് സെക്രട്ടറി കത്ത് നല്കിയിരുന്നു.
ചെലവുചുരുക്കല് നിര്ദ്ദേശങ്ങളില് ഇളവ് വരുത്തിയാണ് ധനവകുപ്പ് ഹോസ്പിറ്റാലിറ്റി ചെലവുകള് എന്ന ശീര്ഷകത്തില് 15 ലക്ഷം രൂപ അനുവദിച്ചത്. ‘അറ്റ് ഹോം’ വിരുന്നില് മുഖ്യമന്ത്രിയും മന്ത്രിമാരും ചീഫ് സെക്രട്ടറിയും ഉള്പ്പെടെ ഉന്നതര് പങ്കെടുക്കുകയാണ് പതിവ്.
