ന്യൂദല്ഹി: ഛത്തീസ്ഗഡില് അറസ്റ്റിലായ മലയാളി കന്യാസ്ത്രികള്ക്ക് ജാമ്യം ലഭിക്കുന്നതിന് വേണ്ട ഇടപെടലുകള് നടത്താമെന്ന് കേന്ദ്ര ആഭ്യന്തരമന്ത്രി അമിത് ഷാ ഉറപ്പ് നല്കിയെന്ന് എന് കെ പ്രേമചന്ദ്രന് എംപി.കന്യാസത്രീകളുടെ വിഷയവുമായി ബന്ധപ്പെട്ട് യുഡി എഫ് എം പിമാര്ക്കൊപ്പം അമിത് ഷായെ സന്ദര്ശിച്ച ശേഷം സംസാരിക്കുകയായിരുന്നു അദ്ദേഹം.
കന്യാസ്ത്രികള്ക്ക് ജാമ്യം ലഭിക്കുന്നതിനായി വിചാരണക്കോടതിയെ വീണ്ടും സമീപിക്കാന് അമിത് ഷാ നിര്ദേശിച്ചെന്നും പ്രേമചന്ദ്രന് വെളിപ്പെടുത്തി.ജാമ്യാപേക്ഷയെ ഛത്തിസ്ഗഡ് സര്ക്കാര് എതിര്ക്കില്ലന്ന് അമിത് ഷാ ഉറപ്പ നല്കിയെന്നും അദ്ദേഹം മാധ്യമങ്ങളോട് പറഞ്ഞു.കേസ് എന്ഐഎ കോടതിയിലേക്ക് മാറ്റേണ്ട ആവശ്യമില്ലായിരുന്നു. സെഷന്സ് കോടതി ഉത്തരവിനെതിരെ ഛത്തിസ്ഗഡ് സര്ക്കാര് ഹൈക്കോടതിയെ സമീപിക്കുമെന്നും അമിത് ഷാ വ്യക്തമാക്കിയെന്ന് പ്രേമചന്ദ്രന് പറഞ്ഞു.കന്യാസ്ത്രികള്ക്ക് ഉടന് ജാമ്യം ലഭിക്കും.
കന്യാസ്ത്രികള്ക്കെതിരായ കേസില് രാഷ്ട്രീയ താല്പ്പര്യങ്ങളില്ലെന്നും തന്നെ കണ്ട എം പി മാരോട് അമിത് ഷാപറഞ്ഞു. ജാമ്യം ലഭിച്ച ശേഷം കേസ് റദ്ദാക്കാന് ശ്രമിക്കാമെന്നും അമിത് ഷാ ചൂണ്ടിക്കാട്ടിയതായി എന് കെ പ്രേമചന്ദ്രന് അറിയിച്ചു.
അനുഭാവപൂര്വമായ നിലപാടാണ് കേന്ദ്രസര്ക്കാരിന്റെ ഭാഗത്തുനിന്നും ഉണ്ടായതെന്നും എന് കെ പ്രേമചന്ദ്രന് വെളിപ്പെടുത്തി. യു ഡി എഫ് എം പിമാര്ക്ക് ശേഷം എല് ഡി എഫ് എം പിമാരും അമിത് ഷായുമായി കൂടിക്കാഴ്ച നടത്തി.
നേരത്തേ ബി ജെ പി കേരള ഘടകം അധ്യക്ഷന് രാജീവ് ചന്ദ്രശേഖര് കന്യാസ്സ്ത്രീകള്ക്ക് വേണ്ടി പ്രധാനമന്ത്രി നരേന്ദ്രമോദി അടക്കം കേന്ദ്ര നേതാക്കളുമായി കൂടിക്കാഴ്ച നടത്തിയിരുന്നു.പാര്ട്ടി സംസ്ഥാന സെക്രട്ടറി അനൂപ് ആന്റണി ചത്തീസ്ഗഡ് മുഖ്യമന്ത്രി ഉള്പ്പെടെ ഉളള നേതാക്കളുമായി വിഷയത്തില് കൂടിക്കാഴ്ച നടത്തി.
