ഇടുക്കി:ശക്തമായ മഴയെ തുടര്ന്ന് മലങ്കര ഡാമിന്റെ ഷട്ടറുകള് കൂടുതല് ഉയര്ത്തും. അഞ്ച് ഷട്ടറുകള് 1.5 മീറ്റര് വീതവും ഒരു ഷട്ടര് 50 സെന്റി മീറ്ററുമാണ് ഉയര്ത്തുക. ജലനിരപ്പ് ക്രമീകരിക്കാന് കഴിഞ്ഞില്ലെങ്കില് രണ്ട് മീറ്റര് വരെ ഷട്ടറുകള് ഉയര്ത്തും.
നിലവില് ഡാമിലെ ജലനിരപ്പ് 40.62 ആണ്. നിലവില് ഇടുക്കി ജില്ലയില് ഓറഞ്ച് ജാഗ്രതയാണ് കാലാവസ്ഥ വകുപ്പ് പ്രഖ്യാപിച്ചിരിക്കുന്നത്. സംസ്ഥാനത്ത് അഞ്ച് ദിവസം ശക്തമായ മഴയ്ക്കും സാധ്യത.
ഞായറാഴ്ച ഏഴ് ജില്ലകളില് മഞ്ഞ ജാഗ്രതയാണ്.തിങ്കളാഴ്ച എല്ലാ ജില്ലകളിലും മഴ മുന്നറിയിപ്പുണ്ട്. എറണാകുളം, ഇടുക്കി കോട്ടയം, പത്തനംതിട്ട കൊല്ലം, ആലപ്പുഴ ജില്ലകളില് തിങ്കളാഴ്ച ഓറഞ്ച് ജാഗ്രതയാണ്.
അതേസമയം, ബുധനാഴ്ച മുതല് 26 വരെ അതിശക്തമായ മഴയ്ക്കും, 27, 28 വരെ ശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.മണിക്കൂറില് 60 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ട്.കേരള തീരത്ത് 28 വരെ മത്സ്യബന്ധനത്തിന് വിലക്കുണ്ട്.
