തിരുവനന്തപുരം: ഷാര്ജയില് മരിച്ച വിപഞ്ചികയുടെ റീ പോസ്റ്റ്മോര്ട്ടം നടക്കുന്ന തിരുവനന്തപുരം മെഡിക്കല് കോളേജില് എത്തി മുന് കേന്ദ്രമന്ത്രിയും ബി ജെ പി നേതാവുമായ വി. മുരളീധരന് ബന്ധുക്കളെ കണ്ടു.ആത്മഹത്യ ആണോ കൊലപാതകം ആണോ എന്നത് പോസ്റ്റ്മോര്ട്ടം റിപ്പോര്ട്ട് ലഭിക്കുന്നതോടെ മനസിലാകുമെന്ന് വി. മുരളീധരന് മാധ്യമങ്ങളോട് പ്രതികരിച്ചു
കുടുംബത്തിനു കൊലപാതകം ആണെന്ന സംശയം ഉണ്ടെന്ന് മുരളീധരന് പറഞ്ഞു.സര്ക്കാര് കുടുംബത്തോടൊപ്പം നില്ക്കണമെന്നും അദ്ദേഹം ആവശ്യപ്പെട്ടു. നിയമനടപടിയിലേക്ക് കടക്കുമ്പോള് സര്ക്കാര് ഒപ്പം ഉണ്ടാകണം എന്നും അദ്ദേഹം പറഞ്ഞു.
വിപഞ്ചികയുടെ മൃതദേഹം ബുധനാഴ്ചയാണ് നാട്ടിലെത്തിച്ചത്. ഭര്തൃപീഢനം മൂലം വിപഞ്ചിക ജീവനൊടുക്കുകയായിരുന്നുവെന്നാണ് വാര്ത്ത വന്നത്. എന്നാല് കൊലപാതകം എന്നാണ് വിപഞ്ചികയുടെ മാതാപിതാക്കള് ആരോപിക്കുന്നത്.
