കൊല്ലം: തേവലക്കര ബോയ്സ് സ്കൂളിൽ വിദ്യാർത്ഥി ഷോക്കേറ്റ് മരിച്ച സംഭവത്തിൽ പ്രധാന അധ്യാപികയെ സസ്പെൻഡ് ചെയ്യാൻ നിർദേശം. പൊതു വിദ്യാഭ്യാസ ഡയറക്ടറുടെ റിപ്പോർട്ടിന്റെ അടിസ്ഥാനത്തിലാണ് നടപടി. സംഭവത്തിൽ വിശദമായ അന്വേഷണം നടത്തി റിപ്പോർട്ട് നല്കാൻ പൊതുവിദ്യാഭ്യാസ വകുപ്പ് മന്ത്രി വി.ശിവൻകുട്ടി ഇന്നലെ നിർദേശം നൽകിയിരുന്നു.
സ്കൂളിൽ ഇന്നും വിവിധ വകുപ്പുകൾ പരിശോധന നടത്തും. വൈദ്യുതി മന്ത്രി കെ. കൃഷ്ണൻകുട്ടിയും റിപ്പോർട്ട് നല്കാൻ ആവശ്യപ്പെട്ടിട്ടുണ്ട്.കളിക്കുന്നതിനിടെ സൈക്കിള് ഷെഡിന് മുകളിലേക്ക് വീണ ചെരുപ്പെടുക്കാന് ശ്രമിക്കുമ്പോഴാണ് എട്ടാംക്ലാസുകാരൻ മിഥുന് ഷോക്കേറ്റത്. കാല് തെന്നിയ മിഥുന് താഴ്ന്നുകിടന്ന വൈദ്യുതി ലൈനില് പിടിച്ചപ്പോഴാണ് അപകടം.
