തിരുവനന്തപുരം: തെരുവുനായ പ്രശ്നത്തില് നിര്ണായക തീരുമാനവുമായി സംസ്ഥാന സര്ക്കാര്. രോഗബാധിതരായ തെരുവുനായ്ക്കളെ ദയാവധം നടത്താന് അനുമതി നല്കും.
വെറ്റിനറി വിദഗ്ദ്ധന്റെ സാക്ഷ്യപത്രത്തോടെ ദയാവധത്തിന് വിധേയമാക്കാം. ഇതിന് തദ്ദേശസ്വയംഭരണ സ്ഥാപനങ്ങള്ക്ക് അനുമതി നല്കും. മന്ത്രി എംബി രാജേഷിന്റെ അധ്യക്ഷതയില് ചേര്ന്ന യോഗത്തിലാണ് തീരുമാനം.
തെരുവുനായ ആക്രമണം സംസ്ഥാനത്ത് രൂക്ഷമായ സാഹചര്യത്തിലാണ് തദ്ദേശ സ്വയംഭരണ വകുപ്പ് മന്ത്രിയുടെ അധ്യക്ഷതയില് അവലോകന യോഗം ചേര്ന്നത്.ദയാവധം സംബന്ധിച്ച് തദ്ദേശ സ്വയംഭരണ സ്ഥാപനങ്ങള്ക്ക് നിര്ദേശം നല്കാനും തീരുമാനമായിട്ടുണ്ട്.
