ന്യൂദല് ഹി: എന്ജിനീയറിംഗ്, ഫാര്മസി പ്രവേശന പരീക്ഷയായ കീം റാങ്ക് പട്ടിക സംബന്ധിച്ച കേസില് തടസഹര്ജി സമര്പ്പിച്ച് സിബിഎസ്ഇ വിദ്യാര്ത്ഥികള്. നാല് വിദ്യാര്ത്ഥികളാണ് അഭിഭാഷകന് അല്ജോ കെ ജോസഫ് മുഖാന്തരം തടസഹര്ജി സമര്പ്പിച്ചത്.
തങ്ങളുടെ വാദം കേള്ക്കാതെ തീരുമാനം എടുക്കരുതെന്നാണ് ആവശ്യം.അതെസമയം റാങ്ക് പട്ടികയ്ക്കെതിരെ കേരള സിലബസ് വിദ്യാര്ത്ഥികള് നല്കിയ ഹര്ജി ചൊവ്വാഴ്ച സുപ്രീംകോടതി പരിഗണിക്കും.
മുതിര്ന്ന അഭിഭാഷകന് പ്രശാന്ത് ഭൂഷണനാണ് കേരള സിലബസ് വിദ്യാര്ത്ഥികള്ക്കായി ഹാജരാകുക.സി ബി എസ് സി വിദ്യാര്ത്ഥികളുടെ ഹര്ജിയിലെ ഹൈക്കോടതി വിധിയെ തുടര്ന്ന് സംസ്ഥാന സര്ക്കാര് ആദ്യ റാങ്ക പട്ടിക തിരുത്തിയിരുന്നു. ഇതിനെതിരെയാണ് കേരള സിലബസ് വിദ്യാര്ത്ഥികള് സുപ്രീം കോടതിയിലെത്തിയത്.
