വയനാട് : ഫണ്ട് പിരിവ് നടത്താത്ത നിയോജകമണ്ഡലം പ്രസിഡന്റുമാര്ക്കെതിരെ നടപടിയുമായി യൂത്ത് കോണ്ഗ്രസ്. 50,000 രൂപയെങ്കിലും പിരിച്ചു നല്കാത്തവരെ സസ്പെന്ഡ് ചെയ്തു.
സംഘടനാ പ്രവര്ത്തനത്തില് വീഴ്ച വരുത്തിയ നിയോജക മണ്ഡലം കമ്മറ്റി പ്രസിഡന്റുമാരെ സസ്പെന്ഡ് ചെയ്തെന്നാണ് യൂത്ത് കോണ്ഗ്രസ് സംസ്ഥാന കമ്മിറ്റി നല്കിയ നോട്ടീസില് പറയുന്നത്. പെരിന്തല്മണ്ണ, മങ്കട, തിരൂരങ്ങാടി, തിരൂര്, താനൂര്, ചേലക്കര, ചെങ്ങന്നൂര്, കഴക്കൂട്ടം, കാട്ടാക്കട, കോവളം, വട്ടിയൂര്ക്കാവ് മണ്ഡലങ്ങളുടെ പ്രസിഡന്റുമാരെയാണ് സസ്പന്ഡ് ചെയ്തത്. എന്നാല്, ഫണ്ട് പിരിവുമായി ബന്ധപ്പെട്ട് ചില ആശങ്കകള് ഉണ്ടായിരുന്നു. അത് ചോദ്യം ചെയ്തവര്ക്കെതിരെയാണ് നടപടി എന്നും ആക്ഷേപം ഉണ്ട്.
യൂത്ത് കോണ്ഗ്രസിനെ സംബന്ധിച്ച് വലിയ നാണക്കേടുണ്ടാക്കിയ സംഭവമായിരുന്നു ഇതുമായി ബന്ധപ്പെട്ടുണ്ടായ വിവാദം. അതിന് ശേഷം യൂത്ത് കോണ്ഗ്രസിന്റെ സംസ്ഥാന നേതാക്കളെല്ലാം ചേര്ന്ന് വിശദീകരിക്കുകയും ചെയ്തിരുന്നു.
