കൊച്ചി: ബാറില് ഡി ജെ പാര്ട്ടിക്കിടെ ഉണ്ടായ സംഘര്ഷത്തില് ബാറിനെതിരെ എക്സൈസ്കേസെടുത്തു. അനുമതിയില്ലാത്ത മദ്യം വിളമ്പിയതിനാണ് ബാറിനെതിരെ കേസ്.
ഒരു വര്ഷം മുന്പ് വെടിവെപ്പ് നടന്ന കതൃക്കടവിലെ എടശ്ശേരി ബാറിന്റെ റെസ്റ്റോ ബാര് ആയ മെല്ലെനിയല്സില് കഴിഞ്ഞ രാത്രിയാണ് സംഘര്ഷം ഉണ്ടായത്
അപമര്യാദയായി പെരുമാറിയ യുവാവിനെ വൈന് ഗ്ലാസ് ഉപയോഗിച്ച് യുവതി ആക്രമിച്ചു. യുവാവ് മോശമായി സ്പര്ശിച്ചുവെന്ന് യുവതി പൊലീസിന് മൊഴി നല്കി. യുവതിയുടെ പരാതിയില് തൊടുപുഴ സ്വദേശി ബഷീറിന് എതിരെയും യുവാവിനെ ആക്രമിച്ചതിന് ഉദയം പേരൂര് സ്വദേശിനി യുവതിക്കെതിരെയും എറണാകുളം നോര്ത്ത് പൊലീസ് കേസെടുത്തു.
യുവാവിന്റെ ചെവിയ്ക്കും കഴുത്തിന് താഴെയുമാണ് പരിക്ക്. ബാറിലെ സിസിടിവി ദൃശ്യങ്ങള് പൊലീസ് പരിശോധിക്കും. ചില സിനിമാ താരങ്ങളുംഡി ജെ പാര്ട്ടിയില് പങ്കെടുക്കാന് എത്തിയിരുന്നു.സംഘര്ഷത്തെ തുടര്ന്ന് പൊലീസ് എത്തിയാണ് ഡി ജെ പാര്ട്ടി അവസാനിപ്പിച്ചത്.
