കൊച്ചി : താര സംഘടനയായ അമ്മയില്‍ ഓഗസ്റ്റ് ആദ്യാവാരം തെരഞ്ഞെടുപ്പ് നടത്താന്‍ തീരുമാനം. ഇത് സംബന്ധിച്ച രേഖകള്‍ വരണാധികാരികള്‍ക്ക് ഉടന്‍ നല്‍കും. നിലവിലെ അമ്മയുടെ അഡ്‌ഹോക് കമ്മിറ്റി വാട്‌സാപ്പ് ഗ്രൂപ്പ് പിരിച്ചുവിട്ടു.ശനിയാഴ്ച ഓണ്‍ലൈനായി ചേര്‍ന്ന എക്‌സിക്യൂട്ടീവ് കമ്മിറ്റി യോഗത്തിലാണ് തീരുമാനം. ഇക്കാര്യത്തില്‍ കത്ത് ജൂലൈ നാലിനകം അമ്മ അംഗങ്ങള്‍ക്ക് കൈമാറും.ബാബുരാജിനാണ് തെരഞ്ഞെടുപ്പ് വരെ ചുമതല
അധ്യക്ഷ പദവിയില്‍ തുടരാകാനില്ലെന്ന് മോഹന്‍ലാല്‍ അറിയിച്ചതോടെയാണ് സംഘടനയില്‍ തെരഞ്ഞെടുപ്പിന് കളമൊരുങ്ങിയത്. അഡ്‌ഹോക്ക് കമ്മറ്റിയുടെ കാലാവധി അവസാനിച്ചു. മോഹന്‍ലാല്‍ ആവശ്യപ്പെട്ട പ്രകാരമാണ് തെരഞ്ഞെടുപ്പ്.
മോഹന്‍ലാലിനെ പ്രസിഡന്റ് സ്ഥാനത്ത് നിലനിര്‍ത്തി അഡ്‌ഹോക് കമ്മറ്റി അംഗങ്ങളെ എക്‌സിക്യുട്ടീവ് ഭാരവാഹികളാക്കി പുതിയ ഭരണസമിതി നിലവില്‍ വരുമെന്ന് കരുതിയെങ്കിലും മോഹന്‍ലാലിന്റെ നീക്കം പ്രതീക്ഷകളെ താളംതെറ്റിക്കുകയായിരുന്നു.മുഴുവന്‍ പേരും പിന്തുണച്ചാല്‍ ചുമതല ഏറ്റെടുക്കാമെന്ന് മോഹന്‍ലാല്‍ വാര്‍ഷിക പൊതുയോഗത്തില്‍ അറിയിച്ചിരുന്നു. തുടര്‍ന്ന് സദസ് കൈ ഉയര്‍ത്തി മോഹന്‍ലാലിനെ ആവശ്യപ്പെട്ടപ്പോള്‍ പകുതി അംഗങ്ങള്‍ പോലും എത്തിയിട്ടില്ലല്ലോയെന്ന് മോഹന്‍ലാല്‍ പറഞ്ഞു. ഈ സാഹചര്യത്തില്‍ തിരഞ്ഞെടുപ്പെന്ന ആവശ്യം മോഹന്‍ലാല്‍ തന്നെ മുന്നോട്ട് വയ്‌ക്കുകയായിരുന്നു.
പ്രതികരിക്കാൻ ഇവിടെ എഴുതുക: