ന്യൂദല്‍ഹി: മാഗ്നസ് കാള്‍സനെ സമനിലയില്‍ തളച്ച് ദല്‍ഹിയില്‍ നിന്നുള്ള ഒമ്പത് വയസ്സുകാരന്‍. ടൈറ്റില്‍സ് ട്യൂസ്ഡേ എന്ന ഓണ്‍ലൈന്‍ ചെസ് മത്സരത്തിലാണ് ദല്‍ഹിയില്‍ നിന്നുള്ള ഒമ്പത് വയസ്സ് മാത്രം പ്രായമുള്ള ആരിത് കപില്‍ സമനിലയില്‍ തളച്ചത്.
ആരിത് കപിലിന് വിജയം നേടാനാവുന്ന ഗെയിം ആയിരുന്നു. കാരണം ബോര്‍ഡില്‍ എമ്പാടും ആരിത് കപിലിന് മുന്‍തൂക്കമുണ്ടായിരുന്നു. പക്ഷെ ഒടുവില്‍ സമയ സമ്മര്‍ദ്ദം കാരണം സമനില വഴങ്ങേണ്ടി വന്നു. ജോര്‍ജ്ജിയയില്‍ നിന്നാണ് ആരിത് കളിച്ചത്. ഇപ്പോള്‍ പത്ത് വയസ്സിന് താഴെയുള്ളവരുടെ ഫിഡെ ലോകചാമ്പ്യന്‍ഷിപ്പില്‍ കളിച്ചുവരുന്നതിനിടയിലാണ് ടൈറ്റിള്‍സ് ട്യൂസ്ഡേ എന്ന ഓണ്‍ലൈന്‍ ചെസ് മത്സരത്തില്‍ കളിച്ചത്.
ഇതോടെ സ്വരം നന്നാവുമ്പോള്‍ പാട്ട് നിര്‍ത്തൂ എന്ന രീതിയില്‍ കമന്‍റുകള്‍ സോഷ്യല്‍ മീഡിയയില്‍ ഉയരുന്നു. ജൂണില്‍ തന്നെ നോര്‍വ്വെയില്‍ നടന്ന ചെസ്സില്‍ ഇന്ത്യയുടെ 19കാരന്‍ ഗുകേഷ് മാഗ്നസ് കാള്‍സനെ തോല്‍പിച്ചിരുന്നു. തോല്‍വി സഹിക്കാനാവാതെ, കാള്‍സന്‍ മേശയില്‍ ഊക്കോടെ ഇടിച്ചതിനെ തുടര്‍ന്ന് ബോര്‍ഡില്‍ നിന്നും കരുക്കള്‍ തെറിച്ച് തറയില്‍ വീണിരുന്നു. പൊതുവേ വികാരങ്ങളെ നിയന്ത്രിക്കാന്‍ കഴിയാത്ത മാനസികാവസ്ഥയിലേക്ക് കൂടി കാള്‍സന്‍ വീണിരിക്കുകയാണ്.
പ്രതികരിക്കാൻ ഇവിടെ എഴുതുക: