കോട്ടയം: കെഎസ്ആര്‍ടിസി ബസില്‍ നിന്ന് 7000 രൂപ അടങ്ങിയ ബാഗും ടിക്കറ്റ് റാക്കും നഷ്ടപ്പെട്ട സംഭവത്തില്‍ പൊലീസ് അന്വേഷണം തുടങ്ങി. പൊന്‍കുന്നം കണ്ണൂര്‍ കെഎസ്ആര്‍ടിസി ബസ്സിലെ കണ്ടക്ടറുടെ പണവും ടിക്കറ്റ്‌റാക്കുമാണ് നഷ്ടപ്പെട്ടത്. കണ്ണൂരില്‍ നിന്ന് പൊന്‍കുന്നത്തേക്ക് വരുന്നതിനിടെ കോട്ടയം സ്റ്റാന്‍ഡില്‍ എത്തിയപ്പോള്‍ ബസ് അല്‍പ്പസമയം നിര്‍ത്തിയിട്ടിരുന്നു. കണ്ടക്ടറും ഡ്രൈവറും വിശ്രമിക്കാനിറങ്ങിയ തക്കത്തിനാണ് മോഷ്ടാവ് പണി പറ്റിച്ചത്. എന്നാല്‍ ഏറ്റുമാനൂരിന് അടുത്ത് എത്തിയപ്പോഴാണ് മോഷണം നടന്ന വിവരം കണ്ടക്ടര്‍ മനസിലാക്കുന്നത്. ഇതേത്തുടന്ന് വിവരം ഡിപ്പോയില്‍ അറിയിച്ച ശേഷം യാത്രക്കാരെ മറ്റൊരു ബസില്‍ കയറ്റി വിട്ടു. ലാംഗ്വേജ് സൂക്ഷിക്കുന്ന ഭാഗത്ത് വച്ചിരിക്കുകയായിരുന്നു ബാഗെന്നാണ് കണ്ടക്ടര്‍ പറയുന്നത്. ടിക്കറ്റിംഗ് മെഷിന്‍ തകരാറായാല്‍ ഉപയോഗിക്കാന്‍ എല്ലാ ബസിലും പഴയതരത്തിലുള്ള ടിക്കറ്റ് ഉള്‍പ്പെടുന്ന റാക്ക് കരുതാറുണ്ട്. അതാണ് പണത്തിനൊപ്പം നഷ്ടമായത്. മോഷ്ടാവിന് ഇതു കൊണ്ട് ഉപകാരമൊന്നുമില്ല. പോലീസ് അന്വേഷണം ആരംഭിച്ചിട്ടുണ്ട്.
പ്രതികരിക്കാൻ ഇവിടെ എഴുതുക