ഇസ്ലാമാബാദ് : ഇസ്രായേലും ഇറാനും തമ്മിലുള്ള യുദ്ധത്തിൽ, പാകിസ്ഥാൻ ഇറാനെ പിന്നിൽ നിന്ന് കുത്തിയതായി ഇറാനിയൻ വൃത്തങ്ങൾ . ഇസ്രായേലിനെതിരെ ആവർത്തിച്ച് പ്രസ്താവനകൾ നടത്തി ഇറാന് പിന്തുണ കാണിക്കാൻ പാകിസ്ഥാൻ ശ്രമിക്കുന്നുണ്ടെങ്കിലും, പാകിസ്ഥാൻ ചതിച്ചുവെന്നാണ് ഇറാനിയൻ വൃത്തങ്ങൾ പറയുന്നത് .
ജൂൺ 13 ന് കൊല്ലപ്പെട്ട ഇറാന്റെ ഉന്നത കമാൻഡർ മുഹമ്മദ് ഹുസൈൻ ബക്രിയുടെ കൊലപാതകത്തിൽ പാകിസ്ഥാൻ സൈനിക മേധാവിയും ഫീൽഡ് മാർഷലുമായ അസിം മുനീറിന്റെ പേര് ഉയർന്നുവന്നിട്ടുണ്ട്. കമാൻഡറുടെ സ്ഥാനം അമേരിക്കയുമായും ഇസ്രായേലുമായും പങ്കിട്ടതായി അസിം മുനീർ പങ്കിട്ടതായും സൂചനയുണ്ട്.
ഇറാനും ഇസ്രായേലും തമ്മിലുള്ള യുദ്ധത്തിൽ പാകിസ്ഥാൻ ഇരട്ടത്താപ്പ് കളിക്കുകയാണെന്നും ഇറാനുമായും പടിഞ്ഞാറൻ രാജ്യങ്ങളുമായും ഒരേ രീതിയിൽ ബന്ധം നിലനിർത്താൻ പാകിസ്ഥാൻ ആഗ്രഹിക്കുന്നുവെന്നും ഇറാനിയൻ വൃത്തങ്ങൾ പറയുന്നു. മുഹമ്മദ് ഹുസൈൻ ബക്രി കൊല്ലപ്പെടുന്നതിന് മുമ്പ്, മെയ് അവസാനം അസിം മുനീർ അദ്ദേഹത്തെ കാണുകയും ഒരു സ്മാർട്ട് വാച്ച് സമ്മാനമായി നൽകുകയും ചെയ്തു .
ഈ സ്മാർട്ട് വാച്ചിൽ ഒരു ജിപിഎസ് ട്രാക്കർ ഉണ്ടായിരുന്നു . ഇത് ഇസ്രായേൽ സൈന്യത്തിന് മുഹമ്മദ് ഹുസൈൻ ബക്രിയുടെ സ്ഥാനം കൃത്യമായി കണ്ടെത്താൻ സഹായിച്ചുവെന്നും അതുകൊണ്ടാണ് അദ്ദേഹത്തെ കൃത്യമായി ആക്രമിക്കാൻ കഴിഞ്ഞതെന്നും ഇറാനിയൻ മാധ്യമങ്ങൾ പറയുന്നു. ജൂൺ 13 ന് നടന്ന ആക്രമണത്തിൽ മുഹമ്മദ് ഹുസൈൻ ബക്രിയുടെ രണ്ട് ഡെപ്യൂട്ടികളും കൊല്ലപ്പെട്ടു. മുഹമ്മദ് ഹുസൈൻ ബക്രിയെ കണ്ടതിനുശേഷം അസിം മുനീർ അമേരിക്കൻ പ്രസിഡന്റ് ഡൊണാൾഡ് ട്രംപിനെയും രഹസ്യമായി കണ്ടതായും വൃത്തങ്ങൾ പറയുന്നു.അത് മാത്രമല്ല അസിം മുനീർ യുഎസിൽ എത്തിയതിനു പിന്നാലെയാണ് ഇറാനിൽ യുഎസ് ആക്രമണം നടത്തിയതെന്നതും ഇറാൻ അധികൃതരുടെ സംശയം വർധിപ്പിക്കുന്നു.
അതേസമയം ഇതേ പറ്റി അന്വേഷിക്കാനും ഇറാൻ തീരുമാനിച്ചതായാണ് വിവരം . നിജസ്ഥിതി ബോധ്യപ്പെട്ടാൽ പാകിസ്ഥാന്റെ അവസ്ഥ മോശമാകുമെന്നാണ് സൂചന .
