തിരുവനന്തപുരം: പി വി അന്‍വര്‍ ജനപിന്തുണയുള്ള നേതാവാണെന്നും അത്തരമൊരു രാഷ്‌ട്രീയക്കാരനെ കോണ്‍ഗ്രസ് വേണ്ടെന്ന് പറയില്ലെന്നും കെപിസിസി മുന്‍ അധ്യക്ഷന്‍ കെ സുധാകരന്‍.
അന്‍വര്‍ നയപരമായ രാഷ്‌ട്രീയ സമീപനം സ്വീകരിച്ച് സിപിഎമ്മില്‍ നിന്ന് വന്ന ആളാണ്. അദ്ദേഹം കോണ്‍ഗ്രസിലേക്ക് വരണമെന്നായിരുന്നു ഞാന്‍ അന്നേ ആഗ്രഹിച്ചത്. വരാമെന്ന് അദ്ദേഹം ഏറ്റതുമാണ്. എന്നാല്‍ ചില സാങ്കേതികമായ പ്രശ്‌നങ്ങളെ തുടര്‍ന്ന് അത് നടക്കാതെ പോയി. ഇനി കോണ്‍ഗ്രസിലേക്ക് വരാന്‍ അദ്ദേഹം തയ്യാറുണ്ടെങ്കില്‍ പാര്‍ട്ടി അതേക്കുറിച്ച് ചര്‍ച്ച ചെയ്ത് ഉചിതമായ തീരുമാനം എടുക്കും. ജനപിന്തുണയുള്ള അദ്ദേഹത്തെ പോലൊരു നേതാവിനെ കോണ്‍ഗ്രസ് വേണ്ടെന്ന് പറയില്ല. അന്‍വറിന്റെ പ്രവേശനത്തില്‍ കോണ്‍ഗ്രസ് നേതൃത്വത്തിന് എന്തെങ്കിലും പ്രശ്‌നമുണ്ടാകുമെന്ന് കരുതുന്നില്ലെന്നും സുധാകരന്‍ പറഞ്ഞു.
പ്രതികരിക്കാൻ ഇവിടെ എഴുതുക