ഭോപ്പാൽ ; നിക്കാഹ് തട്ടിപ്പിൽ 37 കാരി അറസ്റ്റിൽ . ഭോപ്പാലിലാണ് സംഭവം . ഹസീന ബീഗം , സുഹൃത്ത് ഫർഹാൻ എന്നിവരാണ് പിടിയിലായത് . അഞ്ച് തവണ വിവാഹം കഴിച്ച ഹസീന ഏറ്റവും ഒടുവിലായി വിവാഹം കഴിച്ചത് 74 കാരനായ റഫീഖിനെയാണ് . വൃദ്ധനായ ഇയാളെ പറ്റിച്ച് 25 ലക്ഷം രൂപയുടെ സ്വത്താണ് ഹസീന തട്ടിയെടുത്തത് . മാത്രമല്ല റഫീഖിനെ വീട്ടിൽ നിന്ന് പുറത്താക്കുകയും ചെയ്തു . റഫീഖ് നൽകിയ പരാതിയിലാണ് ഹസീനയെ പിടികൂടിയത് .
നിഷാത്പുര സ്വദേശിയായ ഹസീന തന്റെ ആദ്യ വിവാഹമാണെന്ന് പറഞ്ഞാണ് റഫീഖുമായി അടുത്തത് . ഭാര്യ മരിച്ചുപോയ റഫീഖിനെ വാർദ്ധക്യത്തിൽ സഹായിക്കാമെന്ന് വാഗ്ദാനം ചെയ്താണ് ഹസീന തന്നെ വിവാഹം കഴിച്ചതെന്നും അദ്ദേഹം പറഞ്ഞു.
18 വർഷമായി ഹസീന വ്യത്യസ്ത പേരുകളിൽ ആളുകളെ പ്രണയക്കെണിയിൽ കുടുക്കി കൊള്ളയടിച്ചുകൊണ്ടിരിക്കുകയാണെന്ന് പോലീസ് പറയുന്നു. ഹസീന ആദ്യം പ്രണയം നടിച്ച് ബന്ധം സ്ഥാപിക്കുകയും പിന്നീട് വ്യാജ വിവാഹം നടത്തി വീട്ടിൽ കയറി ആഭരണങ്ങളും പണവുമായി ഒളിച്ചോടുകയുമായിരുന്നു ചെയ്യുന്നത് .
ഫർഹാൻ എന്ന വ്യക്തിയുമായി ചേർന്നാണ് ഹസീന തട്ടിപ്പ് നടത്തിയിരുന്നത് .ഹസീനയ്‌ക്കൊപ്പം ഫർഹാനെയും പോലീസ് അറസ്റ്റ് ചെയ്തിട്ടുണ്ട്.
പ്രതികരിക്കാൻ ഇവിടെ എഴുതുക: