ഹരിദ്വാർ ; മുഖ്യമന്ത്രി പുഷ്കർ സിംഗ് ധാമിയുടെ നിർദ്ദേശപ്രകാരം ജില്ലാ ഭരണകൂടം വീണ്ടും അനധികൃത മദ്രസകൾ സീൽ ചെയ്യാനുള്ള നടപടികൾ ശക്തമാക്കി. ഇന്ന് 4 അനധികൃത മദ്രസകൾ കൂടി സീൽ ചെയ്തു.
ജില്ലാ മജിസ്ട്രേറ്റ് മയൂർ ദീക്ഷിത് രൂപീകരിച്ച സംഘം ഹരിദ്വാർ ജില്ലയിൽ അനധികൃതമായി പ്രവർത്തിക്കുന്ന മദ്രസകൾ സീൽ ചെയ്യുന്ന പ്രവർത്തനങ്ങൾ പുനരാരംഭിച്ചു. ഹരിദ്വാർ ജില്ലയിൽ ഇതുവരെ 85 അനധികൃത മദ്രസകൾ സീൽ ചെയ്തിട്ടുണ്ട് . പഹൽഗാം സംഭവത്തിന് ശേഷമാണ് ജില്ലാ ഭരണകൂടം ഇത്തരം അനധികൃത മദ്രസകൾക്കെതിരെ നിയന്ത്രണം ശക്തമാക്കിയത്.
നാല് അനധികൃത മദ്രസകൾ ഇന്ന് സീൽ ചെയ്തതായി ജില്ലാ മജിസ്ട്രേറ്റ് മയൂർ ദീക്ഷിത് സ്ഥിരീകരിച്ചു. നിയമവിരുദ്ധ മദ്രസകൾ സീൽ ചെയ്യുമെന്നും നിയമപരമായ മദ്രസകളിൽ കുട്ടികൾക്ക് എന്ത് തരത്തിലുള്ള വിദ്യാഭ്യാസമാണ് നൽകുന്നതെന്ന് കാണാൻ സർവേ നടത്തുമെന്നും അദ്ദേഹം പറഞ്ഞു. മദ്രസകളിൽ ദേശീയ പാഠ്യപദ്ധതി പഠിപ്പിക്കുന്നത് നിർബന്ധമാണെന്നും ഭരണകൂടം അത് പരിശോധിക്കുമെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: