ടെഹ്റാൻ ; ഇറാനെതിരായ ഇസ്രായേലിന്റെ ആക്രമണത്തെ അപലപിച്ച് ഇമാം-ഇ-ജുമ മൗലാന സയ്യിദ് കൽബെ ജവാദ് . ആക്രമണം മേഖലയിൽ മൂന്നാം ലോക മഹായുദ്ധം നടത്തുന്നതിന് തുല്യമാണെന്നും കൽബെ ജവാദ് പറഞ്ഞു.
‘ ഇറാനെതിരായ ഇസ്രായേലിന്റെ ആക്രമണത്തെ ഞങ്ങൾ ശക്തമായി അപലപിക്കുകയും ഈ ആക്രമണത്തിൽ കൊല്ലപ്പെട്ടവർക്ക് ആദരാഞ്ജലി അർപ്പിക്കുകയും ചെയ്യുന്നു. ഈ സമയത്ത് ഇറാൻ മാത്രമാണ് അമേരിക്കയുമായും ഇസ്രായേലുമായും മത്സരിക്കുന്നത്. ഇസ്രായേലിനെതിരെ ഒരു വാക്ക് പോലും പറയാൻ ഒരു മുസ്ലീം രാജ്യത്തിനും ധൈര്യമില്ല. അതുകൊണ്ടാണ് ഇറാൻ എപ്പോഴും സാമ്രാജ്യത്വ, അഹങ്കാരികളായ ശക്തികളുടെ കണ്ണിലെ മുള്ളായി മാറുന്നത്. അമേരിക്കയും ഇസ്രായേലും മനുഷ്യരാശിയുടെ തുറന്ന ശത്രുക്കളാണ്. ലോകം ഈ സത്യം അംഗീകരിക്കണം.ആയത്തുല്ല സയ്യിദ് അലി ഖൊമേനി ഇസ്രായേലിനെ പരാജയപ്പെടുത്തും.
ഗ്രേറ്റർ ഇസ്രായേൽ പദ്ധതി നടപ്പിലാക്കുന്നതിൽ നിന്ന് ഇസ്രായേലിനെ ഇന്ന് ആർക്കാണ് തടയാൻ കഴിയുക . അടിമ മുസ്ലീം രാജ്യങ്ങൾക്ക് അത് തടയാൻ കഴിയുമോ? അമേരിക്കൻ പ്രസിഡന്റിന് മുന്നിൽ തങ്ങളുടെ ബഹുമാനവും ആദരവും സമർപ്പിച്ച ആളുകൾ അത് തടയുമോ? ഇന്ന് ഈജിപ്ത്, ജോർദാൻ തുടങ്ങിയ രാജ്യങ്ങൾ ഇസ്രായേലിനെ പരസ്യമായി പിന്തുണയ്ക്കുന്നു. മുസ്ലീം രാജ്യങ്ങൾ ഇസ്രായേലിന് ആയുധങ്ങളും സാധനങ്ങളും നൽകുന്നു. ഈ അറബ് രാജ്യങ്ങൾ വളരെ നാണംകെട്ടവരാണെന്നും അവരുടെ ആഡംബര കൊട്ടാരങ്ങൾക്കും ദുഷ്പ്രവൃത്തികൾക്കും പകരമായി മക്കയും മദീനയും വിട്ടുകൊടുക്കും.- കൽബെ ജവാദ് പറഞ്ഞു.
