തിരുവനന്തപുരം: പ്രായമായവര്‍ക്കും ഗര്‍ഭിണികള്‍ക്കും ഭിന്നശേഷിക്കാര്‍ക്കും മറ്റും ബുദ്ധിമുട്ടായിരുന്ന കെഎസ്ആര്‍ടിസി ബസിലെ ചവിട്ടുപടിയുടെ ഉയരം ക്രമീകരിക്കുന്നു. പെട്ടെന്നൊന്നും കാലുയര്‍ത്തി കയറാന്‍ കഴിയാത്തവിധം പലബസുകളിലും ചവിട്ടു പടിക്ക് ഉയരം കൂടുതലാണെന്ന വ്യാപക പരാതി ഉയര്‍ന്ന സാഹചര്യത്തിലാണ് ഇതിനു പരിഹാരം കാണാന്‍ നിര്‍ദേശിച്ചിരിക്കുന്നത്. ആദ്യപടിയായി എല്ലാ ബസ്സുകളുടെയും ചവിട്ടുപടിയുടെ ഉയരം അളക്കാന്‍ നിര്‍ദേശം നല്‍കിയിട്ടുണ്ട്. 2017 ല്‍ നിലവില്‍വന്ന ബസ് ബോഡി കോഡ് പ്രകാരം ആദ്യപടി തറനിരപ്പില്‍ നിന്ന് 25 സെന്റീമീറ്റര്‍ കുറയാനും 40 സെന്റീമീറ്റര്‍ കൂടാനും പാടില്ലെന്നാണ് നിഷ്‌കര്‍ഷിച്ചിട്ടുള്ളത്. ഇതനുസരിച്ച് ചവിട്ടുപടികള്‍ ക്രമീകരിക്കാനാണ് നിര്‍ദേശം നല്‍കിയിരിക്കുന്നത്. പുതിയ ബസുകളില്‍ നിയമപ്രകാരമാണ് ചവിട്ടുപടികളെങ്കിലും പഴയവയില്‍ ഉയരം കൂടുതലാണ്.
ബസുകളിലെ ഫുട്ട്‌ബോര്‍ഡ് ഇനി ബുദ്ധിമുട്ടിക്കില്ല, ഉയരം ക്രമീകരിക്കാന്‍ നിര്‍ദേശം നല്‍കി കെഎസ്ആര്‍ടിസി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: