പത്തനംതിട്ട: ശബരിമല, മാളികപ്പുറം മേല്‍ശാന്തിമാരായി നിയമിക്കപ്പെടാനുള്ള പ്രായപരിധി ദേവസ്വം ബോര്‍ഡ് 60ല്‍ നിന്ന് 58 ആയി കുറച്ചു. പുതിയ മേല്‍ശാന്തിമാരുടെ തെരഞ്ഞെടുപ്പിനുള്ള അപേക്ഷ ക്ഷണിച്ചുകൊണ്ടുള്ള അറിയിപ്പിലാണ് ഇക്കാര്യം വ്യക്തമാക്കിയിരിക്കുന്നത്. അപേക്ഷകര്‍ക്ക് എസ്എസ്എല്‍സിയെങ്കിലും വിദ്യാഭ്യാസ യോഗ്യത വേണം. കേരളത്തില്‍ ജനിച്ചവരും കേരളീയ ആചാരപ്രകാരമുള്ള പൂജകളും താന്ത്രിക കര്‍മ്മങ്ങളും പഠിച്ചവരുമായ മലയാള ബ്രാഹ്‌മണരാകണം. ഭക്തര്‍ക്ക് ദിവസവും ദര്‍ശനം നടത്താവുന്നതും രണ്ടുനേരം തുറക്കുന്നതും മൂന്ന് പൂജകള്‍ ഉള്ളതുമായ ക്ഷേത്രങ്ങളില്‍ 12 വര്‍ഷത്തെ സേവനപരിചയം നിര്‍ബന്ധമാണ്. അതില്‍തന്നെ തുടര്‍ച്ചയായി പത്തുവര്‍ഷം മേല്‍ശാന്തിയായിരിക്കണമെന്നുമുണ്ട്. തെരഞ്ഞെടുക്കപ്പെടുന്നവര്‍ തുലാം ഒന്നു മുതല്‍ 30 ദിവസം സന്നിധാനത്ത് ഭജനമിരിക്കണമെന്നും വ്യവസ്ഥയുണ്ട്. അപേക്ഷ 30ന് വൈകിട്ട് അഞ്ചിന് മുന്‍പായി തിരുവനന്തപുരത്തെ ദേവസ്വം കമിഷണര്‍ ഓഫീസില്‍ നല്‍കണം.
പ്രതികരിക്കാൻ ഇവിടെ എഴുതുക: