കൊച്ചി : ക്ഷേത്രങ്ങളും അനുബന്ധ സ്ഥാപനങ്ങളും രാഷ്ട്രീയ പ്രചാരണങ്ങള്‍ക്ക് ഉപയോഗിക്കരുതെന്ന ഇടക്കാല ഉത്തരവ് സ്വകാര്യ ക്ഷേത്രങ്ങള്‍ക്കും ബാധകമാക്കണമെന്ന് ആവശ്യപ്പെുള്ള ഹര്‍ജിയില്‍ നോട്ടീസയയ്‌ക്കാന്‍ ഹൈക്കോടതി നിര്‍ദേശിച്ചു. ദേവസ്വം ബോര്‍ഡിന്റെ നിയന്ത്രണത്തില്‍ അല്ലാത്ത ക്ഷേത്രങ്ങളിലും നിയമം ബാധകമാക്കണമെന്നാണ് മരട് സ്വദേശി എന്‍ പ്രകാശ് ഹര്‍ജിയില്‍ ആവശ്യപ്പെടുന്നത്. ഇതു സംബന്ധിച്ച് അഭിപ്രായമാരാഞ്ഞ് സര്‍ക്കാരിനും ദേവസ്വം ബോര്‍ഡിനും നോട്ടീസ് നല്‍കാനാണ് ജസ്റ്റിസ് അനില്‍ കെ. നരേന്ദ്രനും ജസ്റ്റിസ് മുരളി കൃഷ്ണയുമടങ്ങുന്ന ബഞ്ച് നിര്‍ദേശം നല്‍കിയത് . ദേവസ്വം ബോര്‍ഡിനു കീഴിലുള്ള ക്ഷേത്രങ്ങളുടെ പരിസരങ്ങള്‍ രാഷ്‌ട്രീയപാര്‍ട്ടികളുടെ പ്രചാരണത്തിന് ഉപയോഗിക്കരുതെന്ന് നിലവില്‍ ഉത്തരവുണ്ട്. ആറ്റിങ്ങല്‍ ഇണ്ടിളയപ്പന്‍ ക്ഷേത്ര ഉത്സവത്തിന് നിങ്ങളെ കമ്മ്യൂണിസ്റ്റാക്കി എന്ന നാടകം അവതരിപ്പിച്ചതും ഗായകന്‍ അലോഷി വിപ്ലവഗാനം പാടിയതും ഹര്‍ജിക്കാരന്‍ കോടതിയുടെ ശ്രദ്ധയില്‍ പെടുത്തി.
പ്രതികരിക്കാൻ ഇവിടെ എഴുതുക: