ന്യൂദല്‍ഹി: നാഷണല്‍ ടെസ്റ്റിംഗ് ഏജന്‍സി (എന്‍ടിഎ) യുജിസി നെറ്റ് 2025 ജൂണ്‍ സെഷന്റെ പരീക്ഷാ തീയതികള്‍ പരിഷ്‌കരിച്ചു. ഷെഡ്യൂള്‍ ഔദ്യോഗിക വെബ്സൈറ്റായ ugcnet.nta.ac.in ല്‍ പുറത്തിറക്കി. പരീക്ഷ ജൂണ്‍ 25 ന് ആരംഭിച്ച് 29 ന് അവസാനിക്കും. നേരത്തെ, ജൂണ്‍ 21 മുതല്‍ ആരംഭിക്കേണ്ടതായിരുന്നു. പരീക്ഷയ്‌ക്ക് 10 ദിവസങ്ങള്‍ക്ക് മുമ്പ് പരീക്ഷാ കേന്ദ്രത്തെക്കുറിച്ച് വെബ്സൈറ്റില്‍ അറിയിക്കും.
പരീക്ഷ രണ്ട് ഷിഫ്റ്റുകളിലായി നടക്കും. ആദ്യ ഷിഫ്റ്റ് രാവിലെ 9 മുതല്‍ ഉച്ചയ്‌ക്ക് 12 വരെയും രണ്ടാമത്തെ ഷിഫ്റ്റ് ഉച്ചകഴിഞ്ഞ് 3 മുതല്‍ 6 വരെയും.
ടെസ്റ്റ് പേപ്പറില്‍ രണ്ട് വിഭാഗങ്ങളുണ്ടാകും, രണ്ടിലും ഒബ്ജക്ടീവ്-ടൈപ്പ്, മള്‍ട്ടിപ്പിള്‍ ചോയ്‌സ് ചോദ്യങ്ങള്‍ ഉണ്ടായിരിക്കും. പരീക്ഷയ്‌ക്കിടെ ഇടവേള ഉണ്ടാകില്ല.
പ്രതികരിക്കാൻ ഇവിടെ എഴുതുക: