ഇടുക്കി: കുഴിയില്‍ വീണ കടുവയെ മയക്കുവെടിവെച്ച് പിടികൂടി. കുഴിയില്‍ കടുവയ്‌ക്കൊപ്പമുണ്ടായിരുന്ന നായയെയും മയക്കുവെടിവെച്ച് പുറത്തെടുത്തു.
ഇടുക്കി ചെല്ലാര്‍കോവില്‍ മെട്ട് ഏലത്തോട്ടത്തിലെ കുഴിയില്‍ വീണ കടുവയെയാണ് വനം വകുപ്പ് ഏറെ നേരം പരിശ്രമിച്ച് മയക്കു വെടിവെച്ച് പിടികൂടിയത്.
കൂട്ടിലാക്കിയ കടുവയെ പെരിയാര്‍ കടുവാ സങ്കേതത്തിലെ പ്രത്യേക കേന്ദ്രത്തിലേക്ക് മാറ്റി. പരിശോധനകള്‍ നടത്തി കഴിഞ്ഞ് പെരിയാര്‍ കടുവാ സങ്കേതത്തില്‍ തന്നെ തുറന്നുവിടും. നായയുടെ ഒപ്പം ഉണ്ടായിരുന്നതിനാല്‍ പേവിഷബാധ വാക്‌സിന്‍ ഉള്‍പ്പെടെ നല്‍കിയ ശേഷമായിരിക്കും കടുവയെ വനത്തില്‍ തുറന്നുവിടുക.
ആദ്യ തവണ മയക്കുവെടി വച്ചപ്പോള്‍ കടുവ മയങ്ങിയിരുന്നില്ല. രണ്ടാമത്തെ തവണ മയക്കുവെടിവെച്ചപ്പോഴാണ് കടുവ മയങ്ങിയത്. നായയെ പിടികൂടാന്‍ ശ്രമിക്കവെ കടുവ കുഴിയില്‍ വീണെന്നാണ് കരുതുന്നത്.
പ്രതികരിക്കാൻ ഇവിടെ എഴുതുക: