വ്യത്യസ്തവും രസകരവുമായ കഥാഗതിയും കഥാസന്ദർഭങ്ങളുമായി എത്തിയ “പടക്കളം” ജൂൺ 10 മുതൽ ജിയോഹോട്ട്സ്റ്റാറിൽ സ്ട്രീമിംഗ് ആരംഭിക്കുന്നു. മനു സ്വരാജ് സംവിധാനം ചെയ്ത ഈ ചിത്രത്തിന്റെ തിരക്കഥ രചിച്ചിരിക്കുന്നത് മനു സ്വരാജും നിതിൻ സി ബാബുവും ചേർന്നാണ്. ഫ്രൈഡേ ഫിലിം ഹൗസിന്റെ ബാനറിൽ വിജയ് ബാബുവും വിജയ് സുബ്രമണ്യവും ചേർന്നാണ് ഈ ചിത്രം നിർമ്മിച്ചിരിക്കുന്നത്.
സുരാജ് വെഞ്ഞാറമ്മൂട്, ഷറഫുദീൻ, സന്ദീപ് പ്രദീപ്, സാഫ്, അരുൺ പ്രദീപ്,അരുൺ അജികുമാർ, നിരഞ്ജന അനൂപ്, പൂജ മോഹൻരാജ്, ഇഷാൻ ഷൗക്കത്ത് എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.
ഒരു എൻജിനിയറിങ് കോളേജ് പശ്ചാത്തലത്തിൽ വികസിക്കുന്ന കഥയാണ് “പടക്കളം” പറയുന്നത്. കോളേജിൽ പുതുതായി നിയമിക്കപ്പെടുന്ന പ്രൊഫസറിൽ എന്തോ ദുരൂഹത കാണുന്ന നാല് സുഹൃത്തുക്കളായ വിദ്യാർഥികൾ അതെന്താണെന്നറിയാൻ ഇറങ്ങി പുറപ്പെടുന്നതും, അതെ തുടർന്നുണ്ടാകുന്ന രസകരമായ സംഭവവികാസങ്ങളുമാണ് ചിത്രം പറയുന്നത്.
അനു മൂത്തേടത്ത് ഛായാഗ്രഹണം നിർവ്വഹിച്ചിരിക്കുന്നു ഈ ചിത്രത്തിന്റെ എഡിറ്റിംഗ് നിധിൻ രാജ് അരോളാണ്. സംഗീതം രാജേഷ് മുരുകേശൻ.
ഈ കോമഡി ത്രില്ലർ ചിത്രം മറക്കാതെ കാണുക. നിങ്ങളുടെ ജിയോഹോട്ട്സ്റ്റാറിൽ ജൂൺ 10 മുതൽ.
പ്രതികരിക്കാൻ ഇവിടെ എഴുതുക: