ചോറ്റുപാറ : ആർ. പി. എം. എൽ. പി. സ്കൂളിലെ പഞ്ചായത്ത് തല പ്രവേശനോത്സവം
( കരുണാപുരം) കുരുന്നുകൾക്കും രക്ഷിതാക്കൾക്കും ഒരുപോലെ ആവേശമായി. പ്രീ-പ്രൈമറിയിലേക്കും ഒന്നാം ക്ലാസ്സിലേക്കും എത്തിച്ചേർന്ന 205 കുരു ന്നുകൾക്ക് ഊഷ്മളമായ സ്വീകരണമാണ് നൽകിയത്. ഒന്നാം ക്ലാസ്സിൽ 89 കുട്ടികൾ എത്തിയപ്പോൾ ഈ വിദ്യാലയം നെടുംകണ്ടം ഉപജില്ലയിൽ ഒന്നാമതായി. മുഖ്യാഥിതിയായെത്തിയ കട്ടപ്പന DYSP ബഹു. നിഷാദ് മോൻ V .A, മറ്റു മുഖ്യാഥിതികളെയും സ്കൂൾ അംഗണത്തിലേയ്‌ക്ക് ചെണ്ടമേളത്തിന്റെ അകമ്പടിയോടെ എതിരേൽക്കുകയുണ്ടായി .
പ്രവേശനോത്സവത്തിന്റെ ഉൽഘാടനം
കരുണാപുരം ഗ്രാമപഞ്ചായത്ത് പ്രസിഡന്റ്‌ ശ്രീമതി. വിൻസി വാവച്ചൻ നിർവ്വഹിക്കുകയുണ്ടായി. മുഖ്യ പ്രഭാഷണം നടത്തിയ കട്ടപ്പന DYSP ശ്രീ. നിഷാദ് മോൻ വി. എ. കുട്ടികളിലേയ്‌ക്ക് ഇറങ്ങിച്ചെന്ന് സംവദിച്ചത് ഏവർക്കും വളരെ ആവേശവും കൗതുകവും ഉളവാക്കി. PTA പ്രസിഡൻ്റ് ശ്രീ.മധു പോളച്ചിറയിൽ അദ്ധ്യക്ഷനായ യോഗത്തിൽ സ്കൂൾ ഹെഡ്മിസ്ട്രസ് ശ്രീമതി: ദീപാമോൾ സ്വാഗതം ആശംസിച്ചു. കരുണാപുരം പഞ്ചായത്ത്ത് വൈസ് പ്രസിഡന്റ്‌ ശ്രീമതി. സാലി കെ. റ്റി.,വാർഡ് മെമ്പർ ശ്രീമതി:ശ്യാമള മധുസൂദൻ, മാനേജ്മെന്റ് പ്രതിനിധി ശ്രീ.അജി കുളത്തിങ്കൽ, ശ്രീമതി : മിനി പ്രിൻസ്, ശ്രീമതി :ആൻസി തോമസ് എന്നിവർ ആശംസകൾ നേർന്നു.
സംസ്ഥാന തല മികവഴക് പുരസ്കാരം ( ക്ലാസ്സ്‌ 1) നേടിയ ശ്രീമതി: ബിന്ദു, ശ്രീമതി:അശ്വതി, ശ്രീമതി:പ്രനീഷ എന്നീ അധ്യാപകർക്ക് ആദരം നൽകുകയും ചെയ്തു.കുട്ടികൾക്ക് മധുര പലഹാരങ്ങൾ നൽകുകയും പായസ വിതരണം നടത്തുകയും ചെയ്തു. പ്ലകാർഡുകൾ, പ്രവേശനോത്സവ തൊപ്പികൾ, ബലൂണുകൾ തുടങ്ങിയവ കുരുന്നുകൾക്ക് കൂടുതൽ ആവേശമുണ്ടാക്കി. കുട്ടികളുടെ വ്യത്യസ്തങ്ങളായ കലാപരിപാടികൾ അരങ്ങേറുകയും ചെയ്തു. ഉച്ച ഭക്ഷണത്തിന് വിഭവ സമൃദ്ധമായ സദ്യയാണ് കുട്ടികൾക്കും രക്ഷിതാക്കൾക്കുമായി പി. റ്റി. എ. ഒരുക്കിയത്. സീനിയർ അദ്ധ്യാപകൻ സുരേഷ്കുമാർ ആർ. കൃതജ്ഞത രേഖപ്പെടുത്തി.
പ്രതികരിക്കാൻ ഇവിടെ എഴുതുക: