ഇടുക്കി : തൊണ്ടിമുതല്‍ കടത്തിക്കൊണ്ടു പോകാന്‍ ശ്രമിച്ച പൊലീസ് ഉദ്യോഗസ്ഥനെ സസ്‌പെന്‍ഡ് ചെയ്തു. തൊടുപുഴ കാളിയാര്‍ പൊലീസ് സ്റ്റേഷനിലെ സീനിയര്‍ സിവില്‍ പൊലീസ് ഓഫീസര്‍ ജയ്‌മോനെയാണ് സസ്പന്‍ഡ് ചെയ്തത്.
തൊടുപുഴ സ്റ്റേഷനിലെ തൊണ്ടിമുതലായ സ്‌പോര്‍ട്‌സ് സൈക്കിളാണ് ജയ്‌മോന്‍ കടത്താന്‍ ശ്രമിച്ചത്.കോടതിയില്‍ നിന്ന് സൂക്ഷിക്കാന്‍ തൊടുപുഴ പൊലീസിനെ ഏല്‍പ്പിച്ച സ്‌പോര്‍ട്‌സ് സൈക്കിളാണ് ഇയാള്‍ കടത്തിക്കൊണ്ടുപോകാന്‍ ശ്രമിച്ചത്.
ഉടമ സൈക്കിള്‍ അന്വേഷിച്ച് എത്തിയപ്പോഴാണ് തൊണ്ടിമുതല്‍ കാണാതായ സംഭവം പുറത്തറിയുന്നത്. മേയ് 18നാണ് സംഭവം നടന്നത്. സിസിടിവി ദൃശ്യങ്ങള്‍ കേന്ദ്രീകരിച്ച് നടത്തിയ അന്വേഷണത്തിലാണ് ജയ്‌മോന്‍ ആണ് സൈക്കിള്‍ കടത്തിയതെന്ന് വ്യക്തമായത്.. വിഷയത്തില്‍ സ്‌പെഷ്യല്‍ ബ്രാഞ്ച് റിപ്പോര്‍ട്ട് സമര്‍പ്പിച്ചതോടെയാണ് സസ്‌പെന്‍ഷന്‍.
പ്രതികരിക്കാൻ ഇവിടെ എഴുതുക: