ക്വറ്റ: ബലൂചിസ്ഥാനിലെ ക്വറ്റയിൽ പാകിസ്ഥാൻ ആർമി ഏജന്റായ ബാബുൽ മുഹമ്മദ് ഹസ്നിയെ ബലൂചിസ്ഥാൻ ആർമി കൊലപ്പെടുത്തി. ക്വറ്റയിലെ ബ്രൂവറി ബൈപാസിൽ നടന്ന റിമോട്ട് കൺട്രോൾ ബോംബ് സ്ഫോടനത്തിൽ ഹസ്നി കൊല്ലപ്പെട്ടതായി നിരവധി സോഷ്യൽ മീഡിയ അക്കൗണ്ടുകൾ റിപ്പോർട്ട് ചെയ്യുന്നുണ്ട്. പാക് സർക്കാർ പിന്തുണയുള്ള ഡെത്ത് സ്ക്വാഡ് അംഗമാണ് ബാബുൽ മുഹമ്മദ് ഹസ്നി.
ബാബുൽ മുഹമ്മദ് ഹസ്നിയും അദ്ദേഹത്തോടൊപ്പമുണ്ടായിരുന്ന മറ്റ് നാല് പേരും ഒരു വാഹനത്തിൽ സഞ്ചരിക്കുന്നതിനിടെയാണ് സ്ഫോടനം നടന്നത്. സ്ഫോടനത്തിൽ ബാബുൽ ഹസ്നി സംഭവസ്ഥലത്ത് തന്നെ മരിച്ചു. മറ്റ് നാല് പേരെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
അതേ സമയം ബലൂചിസ്ഥാൻ മേഖലയിൽ പാകിസ്ഥാൻ സർക്കാരിനും സൈന്യത്തിനുമെതിരെ വർഷങ്ങളായി ബിഎൽഎ സായുധ പോരാട്ടം നടത്തിവരികയാണ്. കൂടാതെ സർക്കാർ പിന്തുണയുള്ള തീവ്രവാദികളെയാണ് അവർ പ്രധാന ശത്രുവായി കാണുന്നത്.
