യൂറോപ്പിലെ മൗണ്ട് എറ്റ്ന അഗ്നിപർവ്വതം പൊട്ടിത്തെറിച്ചു ; ജീവൻ രക്ഷിക്കാൻ വിനോദസഞ്ചാരികൾ ഓടുന്ന വീഡിയോ വൈറൽ

സിസിലി : ഇറ്റലിയിൽ സ്ഥിതി ചെയ്യുന്ന ഏറ്റവും സജീവവും അപകടകരവുമായ മൗണ്ട് എറ്റ്ന അഗ്നിപർവ്വതം പൊട്ടിത്തെറിച്ചു. അഗ്നിപർവ്വത സ്ഫോടനത്തെത്തുടർന്ന് ലാവയും ചാരവും പുകയും വളരെ ദൂരത്തേക്ക് എത്തുന്നുണ്ട്.

സ്ഫോടനത്തിന് നിമിഷങ്ങൾക്കുള്ളിൽ തന്നെ അഗ്നിപർവ്വതത്തിൽ നിന്നുള്ള ചാരവും പുകയും ചൂടുള്ള ലാവയും മൈലുകൾ അകലെ വ്യാപിച്ചു. ഈ വലിയ സ്ഫോടനത്തിനുശേഷം വിനോദസഞ്ചാരികൾക്ക് ജീവൻ രക്ഷിക്കാൻ സ്ഥലത്ത് നിന്ന് പലായനം ചെയ്യേണ്ടിവന്നു. നിരവധി വിനോദസഞ്ചാരികൾ ഇതിന്റെ വീഡിയോകളും ഫോട്ടോകളും എടുത്തിട്ടുണ്ട്.

ദി സൺ റിപ്പോർട്ട് അനുസരിച്ച് മൗണ്ട് എറ്റ്ന അഗ്നിപർവ്വത സ്ഫോടനം വളരെ ഭയാനകമായിരുന്നെന്നും ഭൂമി കുലുങ്ങിയെന്നും വ്യക്തമാക്കുന്നു. പ്രാദേശിക ഉദ്യോഗസ്ഥരുടെ അഭിപ്രായത്തിൽ അഗ്നിപർവ്വതത്തിന്റെ തെക്കുകിഴക്കൻ ഗർത്തത്തിന്റെ ഒരു ഭാഗം തകർന്നതാണ് ഈ ശക്തമായ സ്ഫോടനത്തിന് കാരണമായത്.

അഗ്നിപർവ്വതം പൊട്ടിത്തെറിച്ചതിനുശേഷം അതിൽ നിന്ന് പുറത്തുവരുന്ന ലാവ ഒരു ജലധാര പോലെ പുറത്തേക്ക് ഒഴുകുകയാണ്. അതിന്റെ ചൂടുള്ള പാറകളും വിഷവാതകങ്ങളും പ്രദേശത്ത് വളരെ ദൂരെയായി വ്യാപിച്ചു.

ഇത് അടുത്തുള്ള കാറ്റാനിയ വിമാനത്താവളത്തിൽ വിമാനങ്ങളുടെ ടേക്ക് ഓഫിനെ നിർത്തിവപ്പിക്കാൻ കാരണമായി. അഗ്നിപർവ്വത സ്ഫോടനത്തിന് മുമ്പ് ഒരു തീവ്രമായ ഭൂചലനം അനുഭവപ്പെട്ടിരുന്നു.

https://x.com/BGatesIsaPyscho/status/1929496773921234963