ഇസ്ലാമാബാദ് : വൈദ്യുതി ബില്ലുകൾ കുറയ്‌ക്കാനുള്ള ‘ നൂതന ആശയവുമായി ‘ പാക് മൗലാന . വൈറലായിരിക്കുന്ന ക്ലിപ്പിലാണ് കുതിച്ചുയരുന്ന വൈദ്യുതി ബില്ലുകളെക്കുറിച്ചുള്ള യുവതിയുടെ ചോദ്യത്തിന് അസാധാരണമായ ‘പരിഹാരം’ മൗലാന പറയുന്നത് .
“വൈദ്യുതി ബിൽ വളരെ കൂടുതലാണ്, വൈദ്യുതി ബിൽ കുറയ്‌ക്കുന്നതിനുള്ള പരിഹാരം എന്താണ്?” എന്നാണ് ടോക് ഷോയുടെ അവതാരകയായ യുവതി ചോദിക്കുന്നത് . അതിന് മൗലാന ആത്മവിശ്വാസത്തോടെ “വാസിഫ” എന്ന് മറുപടി നൽകുന്നു.
പിന്നീട് അതിനെ കുറിച്ച് വിശദീകരിക്കുകയും ചെയ്യുന്നു. “നിങ്ങളുടെ വൈദ്യുതി ബിൽ കുറയ്‌ക്കണമെങ്കിൽ, ഒരു ആത്മീയ രീതിയുണ്ട്. നിങ്ങളുടെ ചൂണ്ടുവിരൽ ഉപയോഗിച്ച്, നിങ്ങളുടെ മീറ്ററിൽ “സം സം” എന്ന വാക്കുകൾ എഴുതുക. . ഒരു മാസത്തിനുള്ളിൽ രണ്ടുതവണ, ഓരോ പതിനഞ്ച് ദിവസത്തിലും ഇത് ചെയ്യുക. ഇൻഷാ അല്ലാഹ്, നിങ്ങളുടെ വൈദ്യുതി ബിൽ കുറയുമെന്ന് ഞാൻ ഉറപ്പ് നൽകുന്നു.“ എന്നാണ് മൗലാന പറയുന്നത്.
നിമിഷങ്ങൾക്കുള്ളിൽ മൗലാനയുടെ വാക്കുകൾക്ക് ട്രോളുകളും വന്ന് തുടങ്ങി. “ഞാൻ അത് പരീക്ഷിച്ചു, ഇപ്പോൾ വൈദ്യുതി ഉപയോഗിക്കാൻ സർക്കാർ എനിക്ക് പണം നൽകുന്നു,” , “ബില്ലുകൾ അടയ്‌ക്കാൻ സഹായിക്കുന്നതിന് ഒരു ജിന്നിനെ വിളിക്കാൻ അദ്ദേഹം ആളുകളോട് പറയാത്തതിൽ എനിക്ക് അതിശയമുണ്ട്.” എന്നൊക്കെയാണ് ചില കമന്റുകൾ.
പ്രതികരിക്കാൻ ഇവിടെ എഴുതുക