തിരുവനന്തപുരം: അധ്യയനവര്‍ഷം ആരംഭിക്കുന്ന ജൂണ്‍ രണ്ടാം തീയതിയില്‍ തന്നെ എല്ലാ വിഭാഗം അധ്യാപകരും വിദ്യാലയങ്ങളില്‍ ജോലിയില്‍ പ്രവേശിക്കുന്ന വിധത്തില്‍ അധ്യാപകരുടെ പൊതു സ്ഥലംമാറ്റ നടപടികള്‍ പൂര്‍ത്തിയാക്കിയതായി പൊതു വിദ്യാഭ്യാസ മന്ത്രി വി ശിവന്‍കുട്ടി.
സംസ്ഥാനത്ത് പി.ഡി. ടീച്ചര്‍മാരുടെ 3216 സ്ഥലംമാറ്റങ്ങളും ഹൈസ്‌കൂള്‍ അധ്യാപകരുടെ 1,452 സ്ഥലംമാറ്റങ്ങളും പൂര്‍ത്തിയായിട്ടുണ്ട്. പൊതുവിദ്യാഭ്യാസ വകുപ്പിലെ മിനിസ്റ്റീരിയല്‍ വിഭാഗം ജീവനക്കാരുടെ 2005ലെ ഓണ്‍ലൈന്‍ പൊതുസ്ഥലം മാറ്റവുമായി ബന്ധപ്പെട്ട കരട് ലിസ്റ്റ് പ്രസിദ്ധീകരിച്ചു. ഇതില്‍ പരാതികള്‍ പരിഹരിച്ച് അന്തിമ ഉത്തരവിറക്കാന്‍ വിദ്യാഭ്യാസ ഉപഡയറക്ടര്‍മാര്‍ക്ക് നിര്‍ദേശം നല്‍കി.
പൊതുവിദ്യാഭ്യാസ വകുപ്പില്‍ ജില്ലകളിലും ഡയറക്ടറേറ്റിലുമായി ആകെ 23 വിദ്യാഭ്യാസ ഉപഡയറക്ടര്‍ തസ്തികകള്‍ ആണ് നിലവിലുള്ളത്. ഇതുവരെ നിലവില്‍ വന്ന എല്ലാ ഒഴിവുകളിലേയ്‌ക്കും സ്ഥാനക്കയറ്റം അല്ലെങ്കില്‍ സ്ഥലംമാറ്റം മുഖേന ഓഫീസര്‍മാരെ നിയമിച്ചിട്ടുണ്ട്. വകുപ്പില്‍ ആകെ 41 ജില്ലാ വിദ്യാഭ്യാസ ഓഫീസര്‍ തസ്തികയാണ് നിലവിലുള്ളത്.
പ്രതികരിക്കാൻ ഇവിടെ എഴുതുക