തിരുവനന്തപുരം: 2024-2025 അധ്യയന വര്‍ഷത്തില്‍ നടത്തിയ തസ്തിക നിര്‍ണ്ണയ പ്രകാരം സര്‍ക്കാര്‍ മേഖലയിലെ 552 സ്‌കൂളുകളില്‍ 915 അധിക തസ്തികകള്‍ അനുവദിച്ചു. 658 എയ്ഡഡ് സ്‌കൂളുകളില്‍ 1304 അധിക തസ്തികകളും അനുവദിച്ചു. ആകെ 1210 സര്‍ക്കാര്‍/എയ്ഡഡ് സ്‌കൂളുകളിലായി 2219 അധ്യാപക, അനധ്യാപക അധിക തസ്തികകളാണ് അനുവദിച്ചത്. 24 ഒക്‌ടോബര്‍ ഒന്നു മുതല്‍ പ്രാബല്യമുണ്ട്. മലപ്പുറം ജില്ലയുടെ കാര്യത്തില്‍ അറിയിപ്പ് പിന്നീട് ഉണ്ടാകും.
സര്‍ക്കാര്‍ സ്‌കൂളുകളില്‍ അധിക തസ്തികകളില്‍ തസ്തികനഷ്ടം സംഭവിച്ച ജീവനക്കാരെ ക്രമീകരിച്ചതിനു ശേഷം മാത്രമേ പുതിയ നിയമനം നടത്താന്‍ പാടുള്ളൂ. എയ്ഡഡ് സ്‌കൂളുകളിലെ അധികതസ്തികകളില്‍, കെ.ഇ.ആര്‍ അധ്യായം XXI ചട്ടം 7(2) അനുസരിച്ച് മാത്രമേ നിയമനം നടത്താന്‍ പാടുള്ളൂ എന്നും നിര്‍ദേശിച്ചിട്ടുണ്ട്.
തസ്തിക നഷ്ടം സംഭവിച്ച സ്‌കൂളുകളില്‍ ഈ തസ്തികയില്‍ ആരും തുടരുകയോ ശമ്പളം കൈപ്പറ്റുകയോ ചെയ്യുന്നില്ലെന്ന് വിദ്യാഭ്യാസ ഓഫീസര്‍ /ട്രഷറി/സ്പാര്‍ക്ക് ഉദ്യോഗസ്ഥര്‍ ഉറപ്പു വരുത്തണം.
പ്രതികരിക്കാൻ ഇവിടെ എഴുതുക: