കോട്ട : ഓപ്പറേഷൻ സിന്ദൂരത്തിന്റെ വിജയത്തിന് ഇന്ത്യൻ സായുധ സേനയുടെ ധീരതയെ അഭിനന്ദിച്ച് ലോക്സഭാ സ്പീക്കർ ഓം ബിർള. ഈ വിജയം ഇന്ത്യയിലെ ഓരോ അമ്മയുടെയും സഹോദരിയുടെയും മകളുടെയും വിജയമാണെന്ന് ഓർമ്മിക്കേണ്ടത് പ്രധാനമാണെന്ന് അദ്ദേഹം പറഞ്ഞു. ചൊവ്വാഴ്ച വൈകുന്നേരം രാജസ്ഥാനിലെ ബുണ്ടിയിൽ രാജ്യവ്യാപകമായി ആരംഭിച്ച തിരംഗ യാത്ര ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു ഓം ബിർള.
സമീപ ദിവസങ്ങളിൽ ഇന്ത്യയിലെ ഓരോ പൗരന്റെയും ഹൃദയങ്ങളിൽ ദേശസ്‌നേഹത്തിന്റെ ഒരു തരംഗം ഉയർന്നുവന്നിട്ടുണ്ട്. സ്ത്രീശക്തി രാജ്യത്തിന്റെ ശക്തിയായി മാറിയിരിക്കുന്നു. അത് നമ്മുടെ സൈനികർക്ക് പ്രചോദനം നൽകുന്നുവെന്നും അദ്ദേഹം പറഞ്ഞു.
ഇതിനു പുറമെ ഓപ്പറേഷൻ സിന്ദൂരത്തിന്റെ വിജയഗാഥ സുവർണ്ണ ലിപികളിൽ എഴുതപ്പെടുമെന്നും സായുധ സേനയുടെ ധൈര്യത്തിനും ത്യാഗത്തിനും ആദരവ് അർപ്പിച്ചുകൊണ്ട് ബിർള പറഞ്ഞു. ഇതിനു പുറമെ ഒരു സൈനിക നടപടിക്കപ്പുറം ത്രിവർണ്ണ പതാകയുടെ ബഹുമാനവും, അന്തസ്സും, മഹത്വവും സംരക്ഷിക്കാൻ അതിർത്തിയിൽ ഭർത്താക്കന്മാരുള്ള എല്ലാ സ്ത്രീകളുടെയും ‘സിന്ദൂരം’ സംരക്ഷിക്കുന്നതിനുള്ള ദൃഢനിശ്ചയമാണ് ഈ തിരംഗ യാത്ര പ്രചാരണമെന്ന് അദ്ദേഹം പറഞ്ഞു.
ഭീകരതയ്‌ക്കെതിരായ ഇന്ത്യയുടെ നിർണായക പോരാട്ടമായിരുന്നു ഓപ്പറേഷൻ സിന്ദൂർ, ഭീകരത പൂർണ്ണമായും ഇല്ലാതാക്കുന്നതുവരെ ഇത് തുടരുമെന്നും ബിർള കൂട്ടിച്ചേർത്തു.
പ്രതികരിക്കാൻ ഇവിടെ എഴുതുക: