കോഴിക്കോട് :മലപ്പുറത്ത് നിപ സ്ഥിരീകരിച്ച യുവതി ഗുരുതരാവസ്ഥയില് തുടരുന്നു.തിങ്കളാഴ്ച രണ്ട് പേരുടെ പരിശോധനാ ഫലം കൂടി നെഗറ്റീവായി. ഇതുവരെ നെഗറ്റീവ് ആയത് 49 പരിശോധനാ ഫലങ്ങള്.
യുവതി ഏകദേശം 12 ദിവസത്തോളമായി ഗുരുതരാവസ്ഥയിലാണ്. രണ്ടു തവണ ആന്റിബോഡി നല്കി. എന്നാല്, രോഗിയുടെ ആരോഗ്യ നില മെച്ചപ്പെട്ടിട്ടില്ല. ഇന്ന് 40 പേരെ കൂടി സമ്പര്ക്കപ്പട്ടികയില് ചേര്ത്തു. ആകെ സമ്പര്ക്കപ്പട്ടികയില് ഉള്ളത് 152 പേരാണ്. മലപ്പുറത്ത് നിന്നുള്ളവര് മാത്രമല്ല, തിരുവനന്തപുരം, എറണാകുളം, കോഴിക്കോട് ജില്ലകളില് ഉള്ളവരും സമ്പര്ക്ക പട്ടികയില് ഉണ്ട്.
രോഗിയുമായി പ്രാഥമിക സമ്പര്ക്ക പട്ടികയില് ഉള്ളവരില് ചെറിയ ലക്ഷണങ്ങളുള്ള എട്ട് പേരാണ് ചികിത്സയിലുള്ളത്. ഇതില് രണ്ടു പേര് മഞ്ചേരി മെഡിക്കല് കോളേജ് തീവ്ര പരിചരണവിഭാഗത്തിലാണ്. ഇവരുടെ ആരോഗ്യനില ഗുരുതരമല്ല.
