കൊല്ലം: ആലപ്പുഴ വഴിയുള്ള വന്ദേഭാരത് എക്സ്പ്രസില് 16 കോച്ചുകള് ഏര്പ്പെടുത്തുമെന്ന് റിപ്പോര്ട്ട്. ഇക്കാര്യത്തില് റെയില്വേ ബോര്ഡ് നിര്ദേശം ബന്ധപ്പെട്ട ഉദ്യോഗസ്ഥര്ക്ക് നല്കിയതായാണ് വിവരം.
ചെന്നൈ എഗ്മോര് – നാഗര് കോവില് വന്ദേഭാരത് എക്സ്പ്രസ് 16 കോച്ചില് നിന്ന് 20 കോച്ചിലേയ്ക്ക് വര്ദ്ധിപ്പിക്കും. ഈ ട്രെയിന് 20 കോച്ചിലേയ്ക്ക് മാറുമ്പോള് നിലവില് ഉണ്ടായിരുന്ന 16 കാര് റേക്ക് തിരുവനന്തപുരം -മംഗളുരു വന്ദേ ഭാരതിന് നല്കും. നിലവില് ഈ വന്ദേഭാരത് എട്ട് കോച്ചുകളുമായാണ് സര്വീസ് നടത്തുന്നത്.
രാജ്യത്ത് നിലവില് സര്വീസ് നടത്തുന്ന 16 കോച്ചുകളുള്ള പല വന്ദേഭാരത് എക്സ്പ്രസുകളും 20 കോച്ചുള്ള സര്വീസുകളായി വര്ദ്ധിപ്പിക്കും. എന്നാല് വരുമാനത്തില് മുന്നിലുളള കോട്ടയം വഴിയുള്ള തിരുവനന്തപുരം- മംഗലാപുരം വന്ദേ ഭാരത് എക്സ്പ്രസിനെ റെയില്വേ ഇക്കാര്യത്തില് പരിഗണിച്ചിട്ടില്ല.
