വേളാങ്കണ്ണിയിലേക്ക് പോയ സംഘത്തിന്റെ വാഹനം അപകടത്തില്‍പ്പെട്ടു; നാല് മലയാളികള്‍ക്ക് ദാരുണാന്ത്യം

തിരുവാരൂര്‍: വേളാങ്കണ്ണിയിലേക്ക് തീര്‍ത്ഥാടനത്തിന് പോയ സംഘത്തിന്റെ ഒമ്‌നി വാനും ബസും കൂട്ടിയിടിച്ച് മലയാളികളായ നാല് പേര്‍ക്ക് ദാരുണാന്ത്യം. മൂന്ന് പേര്‍ക്ക് ഗുരുതര പരിക്ക്‌.  രാമനാഥപുരത്തേക്ക് പോവുകയായിരുന്നു ബസ്.

വാനിൽ യാത്ര ചെയ്തിരുന്ന തിരുവനന്തപുരം സ്വദേശികളായ രജിനാഥ്, രാജേഷ്, സജിത്ത്, രാഹുൽ എന്നിവരാണ് മരിച്ചത്. കാഞ്ഞിരംകുളം സ്വദേശി റജീനാഥ്, തിരുവനന്തപുരം നെല്ലിമൂട് സ്വദേശികളായ സാബു, സുനിൽ എന്നിവരെ സാരമായ പരുക്കുകളോടെ സമീപത്തെ സർക്കാർ ആശുപത്രിയിൽ പ്രവേശിപ്പിച്ചു.

അപകടത്തെക്കുറിച്ച് വീരയൂർ പോലീസ് അന്വേഷണം നടത്തിവരികയാണ്