പുനലൂരില്‍ കാറിടിച്ച് ഓട്ടോറിക്ഷ ഡ്രൈവര്‍ മരിച്ചു

കൊല്ലം: പുനലൂര്‍ നെല്ലിപ്പള്ളിയില്‍ കാറിടിച്ച് ഓട്ടോറിക്ഷ ഡ്രൈവര്‍ മരിച്ചു. പത്തനാപുരം കടക്കാമണ്‍ സ്വദേശി മഹേഷാണ് മരിച്ചത്.

അമിതവേഗത്തില്‍ സ്വകാര്യ ബസിനെ മറികടന്നു വന്ന കാര്‍ എതിരെ വരികയായിരുന്ന ഓട്ടോറിക്ഷയെ ഇടിച്ചു തെറിപ്പിക്കുകയായിരുന്നു. ഓട്ടോറിക്ഷ പൂര്‍ണമായും തകര്‍ന്നു.

മഹേഷിനെ ഓട്ടോറിക്ഷ വെട്ടിപ്പൊളിച്ചാണ് പുറത്തെടുത്തത്. പുനലൂര്‍ താലൂക്ക് ആശുപത്രിയിലേക്ക് കൊണ്ടുപോകും വഴിയാണ് മരണം.