ആലപ്പുഴ: കെ. നാഗേന്ദ്ര പ്രഭു ഫൗണ്ടേഷന്‍, ഗൗഡസാരസ്വത ബ്രാഹ്‌മണ വെല്‍ഫെയര്‍ & കള്‍ച്ചറല്‍ ഓര്‍ഗനൈസേഷന്‍ എന്നിവരുടെ സംയുക്താഭിമുഖ്യത്തില്‍ ആദ്യമായി മുഴുനീള കൊങ്കണി ചലച്ചിത്ര പ്രദര്‍ശനം സംഘടിപ്പിക്കുന്നു. 18 ന് വൈകിട്ട് ആറിന് പഴയ തിരുമലയിലെ കാശീമഠം ഹാളിലാണ് പ്രദര്‍ശനം നടക്കുക. അപൂര്‍വ്വമായാണ് കേരളത്തില്‍ കൊങ്കണി സിനിമകള്‍ പ്രദര്‍ശിപ്പിക്കാറ്. ‘അന്ത്യാരംഭ’ എന്ന കൊങ്കണി സിനിമയാണ് പ്രത്യേകമായി പ്രദര്‍ശിപ്പിക്കുന്നത്. കേരളത്തിലെ കൊങ്കണി ഭാഷ സംസാരിക്കുന്നവര്‍ക്കും മറ്റ് കലാ സ്‌നേഹികള്‍ക്കും ആസ്വാദകര്‍ക്കും കൊങ്കണി സിനിമ പരിചയപ്പെടുത്തുക എന്ന ഉദ്ദേശത്തോടെയാണ് പ്രദര്‍ശനം സംഘടിപ്പിച്ചിരിക്കുന്നത്.
ബെംഗളൂരിലെ ആദിത്യ സിനി ക്രിയേഷന്‍സിന്റെ ബാനറില്‍ ഡോ. കെ.രമേഷ് കാമത്ത് സംവിധാനം ചെയ്ത ‘അന്ത്യാരംഭ’ എന്ന കൊങ്കണി സിനിമയാണ് പ്രദര്‍ശിപ്പിക്കുന്നത്. ഇംഗ്ലീഷ് സബ് ടൈറ്റിലുകളോടെ ഒരുക്കിയിട്ടുള്ള സിനിമയുടെ ദൈര്‍ഘ്യം 90 മിനിട്ട് ആണ്. ഈ വര്‍ഷമാദ്യം ബെംഗളൂരില്‍ നടന്ന അന്തര്‍ദേശീയ ചലച്ചിത്രോത്സവത്തില്‍ ‘അന്ത്യാരംഭ’ പ്രദര്‍ശിപ്പിക്കുകയും വളരെയധികം ശ്രദ്ധിക്കപ്പെടുകയും ചെയ്തിരുന്നു. പ്രവേശനം സൗജന്യമായിരിക്കും. സഹസംവിധായകനായ ബാംഗ്ലൂര്‍ സ്വദേശി. സഗ്രി അനന്ത നായിക് പ്രദര്‍ശനത്തില്‍ പങ്കെടുക്കും. അദ്ദേഹവുമായുള്ള ആശയ വിനിമയത്തിനും അവസരമുണ്ടായിരിക്കും. വിശദവിവരങ്ങള്‍ക്ക് 9495017901, 9447482725.
പ്രതികരിക്കാൻ ഇവിടെ എഴുതുക