വയനാട് :വീട്ടില്‍ അതിക്രമിച്ചു കയറി കോടാലി കൊണ്ട് വയോധികനെ വെട്ടിക്കൊലപ്പെടുത്താന്‍ ശ്രമിച്ചയാള്‍ അറസ്റ്റില്‍. വെള്ളമുണ്ട മൊതക്കര മാനിയില്‍ കണ്ണിവയല്‍ വീട്ടില്‍ ബാലനെയാണ് (55) വെള്ളമുണ്ട പൊലീസ് അറസ്റ്റ് ചെയ്തത്.
ഇന്നലെ രാവിലെയായിരുന്നു കേസിനാധാരമായ സംഭവം.അയല്‍വാസിയായ വയോധികന്റെ വീട്ടില്‍ അതിക്രമിച്ചു കയറി ബാലന്‍ കോടാലി കൊണ്ട് കാലിന് വെട്ടി. തുടര്‍ന്ന് കഴുത്തിനു നേരെ കോടാലി വീശിയെന്നും താന്‍ ഒഴിഞ്ഞു മാറുകയായിരുന്നുവെന്നും ആക്രമണം നേരിട്ട വയോധികന്‍ പൊലീസിനോട് പറഞ്ഞു.
മുറ്റത്തു കിടന്ന കല്ലു കൊണ്ട് തലക്കടിച്ചു പരിക്കേല്‍പ്പിക്കുകയും ചെയ്തു. നാട്ടുകാര്‍ വിവരം അറിയിച്ചതിനെ തുടര്‍ന്ന് വെള്ളമുണ്ട പൊലീസ് സ്ഥലത്തെത്തി. ബലമായി ബാലനെ കീഴടക്കുകയായിരുന്നു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: