ന്യൂദൽഹി : രാജ്യത്തുടനീളമുള്ള 32 ലക്ഷം മുസ്ലീങ്ങൾക്ക് പ്രത്യേക കിറ്റുകൾ വിതരണം ചെയ്യുന്ന ബിജെപിയ്‌ക്ക് നന്ദി പറഞ്ഞ് അഖിലേന്ത്യാ പസ്മാന്ദ മുസ്ലീം മഹാജിന്റെ ദേശീയ വൈസ് പ്രസിഡന്റ് വസീം റൈൻ . ന്യൂനപക്ഷ മോർച്ചയാണ് “സൗഗത്ത്-ഇ-മോദി” എന്ന പ്രചാരണ പരിപാടി ആരംഭിച്ചത്.
വസീം റൈൻ ഈ പദ്ധതിയെ പ്രശംസിക്കുകയും പ്രധാനമന്ത്രി മോദിക്ക് നന്ദി പറയുകയും ചെയ്തു. “ഒരു പ്രധാനമന്ത്രി പാവപ്പെട്ട പസ്മാണ്ട മുസ്ലീം സമൂഹത്തെക്കുറിച്ച് ഇത്ര ആഴത്തിൽ ചിന്തിക്കുന്നത് ഇതാദ്യമാണ്. ഈ സംരംഭത്തിന് കീഴിൽ, വെർമിസെല്ലി, ഈത്തപ്പഴം, ഉണങ്ങിയ പഴങ്ങൾ, കടലപ്പൊടി, നെയ്യ്-ഡൽഡ, സ്ത്രീകൾക്കുള്ള വസ്ത്രങ്ങൾ തുടങ്ങിയ അവശ്യ വസ്തുക്കൾ നൽകുന്നു. ഇത് അഭിനന്ദനീയമായ ഒരു നടപടിയാണ്,” അദ്ദേഹം പറഞ്ഞു.
കോൺഗ്രസ്, സമാജ്‌വാദി പാർട്ടി തുടങ്ങിയ മതേതര പാർട്ടികൾക്കും അധികാരത്തിൽ വരാൻ അവസരം ലഭിച്ചിരുന്നു, പക്ഷേ പാവപ്പെട്ട മുസ്ലീങ്ങൾക്കായി അവർ ഒരിക്കലും ഒരു ശക്തമായ മുൻകൈയും എടുത്തില്ല, അവർ ഒരു തൊപ്പി ധരിച്ച് ഇഫ്താർ പാർട്ടികളിൽ പങ്കെടുക്കാറുണ്ടായിരുന്നു, പക്ഷേ ഒരിക്കലും ദരിദ്രരെ സഹായിച്ചിരുന്നില്ല.- അദ്ദേഹം പറഞ്ഞു.
“ഞങ്ങളുടെ കുടുംബത്തിൽ അഞ്ച് അംഗങ്ങളാണുള്ളത്, അതിനാൽ ഈ കിറ്റ് ലഭിച്ചാൽ, ഞങ്ങളുടെ ഈദ് നല്ലതായിരിക്കും, ഞങ്ങളുടെ സന്തോഷം വർദ്ധിക്കും. പ്രധാനമന്ത്രി നരേന്ദ്ര മോദി ദരിദ്രരെക്കുറിച്ച് ചിന്തിച്ചു, ഇത് വളരെ നല്ല കാര്യമാണ്,” എന്നാണ് മുസ്ലീം സ്ത്രീകൾ പറയുന്നത്.
‘ പ്രധാനമന്ത്രി മോദി പാവപ്പെട്ട മുസ്ലീങ്ങളെക്കുറിച്ച് ചിന്തിച്ചത്, മുമ്പ് ഒരു സർക്കാരും ചെയ്തിട്ടില്ല. ഈ പദ്ധതി ദരിദ്ര കുടുംബങ്ങൾക്ക് ഈദ് സന്തോഷകരമാക്കും ‘ ഗുലാബ് സാ മസ്ജിദിലെ ഇമാം ഹാഫിസ് മുഷറഫ് പറഞ്ഞു
പ്രതികരിക്കാൻ ഇവിടെ എഴുതുക