പ്രയാഗ് രാജ് ; മഹാകുംഭമേള മൃത്യൂ കുംഭമേള ആയി മാറിയെന്ന് പറഞ്ഞ ബംഗാൾ മുഖ്യമന്ത്രി മമത ബാനർജിയ്ക്കെതിരെ ആന്ധ്രാപ്രദേശ് ഉപമുഖ്യമന്ത്രി പവൻ കല്യാൺ .
“സനാതന ധർമ്മത്തെയും ഹിന്ദുമതത്തെയും കുറിച്ച് അഭിപ്രായങ്ങൾ പറയുന്നത് ആളുകൾക്ക് വളരെ എളുപ്പമാണ്. നമ്മുടെ രാഷ്ട്രീയ നേതാക്കളുടെ പ്രശ്നമാണിത്. ഹിന്ദുമതം പോലെ അവർ മറ്റ് മതങ്ങളെ വിമർശിക്കുന്നില്ല. അത് അവർക്ക് ബുദ്ധിമുട്ടായി മാറും. അവരുടെ വാക്കുകൾ കോടിക്കണക്കിന് ആളുകളുടെ വികാരങ്ങളെ വ്രണപ്പെടുത്തുന്നുവെന്ന് അവർ മനസ്സിലാക്കുന്നില്ല,” അദ്ദേഹം പറഞ്ഞു.
കുംഭമേളയിലെ സംഭവങ്ങളെക്കുറിച്ചുള്ള ആശങ്കകൾ പങ്കുവെച്ചുകൊണ്ട് പവൻ കല്യാൺ പറഞ്ഞു, “കുംഭമേളയ്ക്കിടെ ചില സംഭവങ്ങൾ ഉണ്ടായാൽ അത് മാനേജ്മെന്റിന്റെ പരാജയമായി കണക്കാക്കാനാവില്ല. ദശലക്ഷക്കണക്കിന് ഭക്തർ പങ്കെടുക്കുന്ന ഒരു പരിപാടി സംഘടിപ്പിക്കുന്നത് ഏതൊരു സർക്കാരിനും വലിയൊരു വെല്ലുവിളിയാണ്. നിർഭാഗ്യകരമായ സംഭവങ്ങൾ സംഭവിക്കണമെന്ന് ആരും ആഗ്രഹിക്കുന്നില്ല. എനിക്കറിയാവുന്നിടത്തോളം, യോഗി ആദിത്യനാഥിന്റെ നേതൃത്വത്തിലുള്ള സർക്കാർ കുംഭമേള മികച്ച രീതിയിൽ കൈകാര്യം ചെയ്യുന്നു. ചില സംഭവങ്ങൾ നിർഭാഗ്യകരമാണ് . മുതിർന്ന രാഷ്ട്രീയ നേതാക്കൾ ഇത്തരം പ്രസ്താവനകൾ നടത്തരുത് . എന്റെ അഭിപ്രായത്തിൽ ഇത്തരം പരാമർശങ്ങൾ അനുചിതമാണ്,” – അദ്ദേഹം പറഞ്ഞു.
