പ്രയാഗ് രാജ്: മഹാകുംഭമേളയില് പങ്കെടുത്ത് ബംഗാൾ ഗവർണർ ഡോ സി.വി ആനന്ദ ബോസ്. തിങ്കളാഴ്ച വൈകുന്നേരം ഭാര്യാസമേതം ഉത്തർപ്രദേശിലെ പ്രയാഗ്രാജിലെത്തിയ ആനന്ദബോസ് ത്രിവേണി തീരത്ത് പ്രത്യേക പൂജയ്ക്കുശേഷം ത്രിവേണി സംഗമത്തില് പുണ്യ സ്നാനം ചെയ്തു.
ഉത്തർപ്രദേശ് മുഖ്യമന്ത്രി യോഗി ആദിത്യനാഥിന്റെ പ്രത്യേക ക്ഷണപ്രകാരമാണ് ആനന്ദബോസ് പ്രയാഗ്രാജിലെത്തിയത്. “ഇന്ത്യയുടെ മഹത്തായ തനതു സംസ്കാരത്തിലും പൈതൃകത്തിലും നിലനിൽക്കുന്ന ആത്മീയ സമ്പത്തിന്റെ മഹാസംഗമമാണ് മഹാകുംഭമേളയെന്ന് ആനന്ദ ബോസ് പ്രയാഗ്രാജിൽ മാധ്യമങ്ങളോട് പറഞ്ഞു.
‘അഹം ബ്രഹ്മാസ്മി’ എന്ന ഭാരതത്തിന്റെ അദ്വൈത ദാർശനിക ജ്ഞാനം നേരിട്ട് മനസ്സിലാക്കാനാണ് ലോകം സ്വമേധയാ പ്രയാഗ്രാജിലേക്ക് ഒഴുകുന്നത്. ഇത് എല്ലാ ഭാരതീയർക്കും അഭിമാനകരമാണ് – ഗവർണർ പറഞ്ഞു.
