തിരുവനന്തപുരം : റോഡില്‍ കെട്ടിയ കമാനം പൊളിക്കുന്നതിനിടെ വൈദ്യുതി ലൈനില്‍ നിന്നും ഷോക്കേറ്റ് തൊഴിലാളി മരിച്ചു.വിതുരയില്‍ ആണ് സംഭവം. ചായം സ്വദേശി പ്രകാശ് (44) ആണ് മരിച്ചത്.
വിതുര ചായം ഭദ്രകാളി ക്ഷേത്രത്തിലെ ഉത്സവത്തിന് ചായം ജംഗ്ഷനില്‍ നിര്‍മ്മിച്ചിരുന്ന അലങ്കാര കമാനം പൊളിച്ചു മാറ്റവെയാണ് വൈദ്യുതാഘാതമേറ്റത്. ഞായറാഴ്ച രാവിലെ 11 മണിയോടെയാണ് വൈദ്യുതി ലൈനില്‍ തട്ടി പ്രകാശ് താഴെ വീണത്.
ഉടന്‍ തന്നെ തിരുവനന്തപുരം മെഡിക്കല്‍ കോളേജില്‍ എത്തിച്ചെങ്കിലും ഉച്ചയ്‌ക്ക് 2.30 ഓടെ മരിച്ചു. വിതുര പൊലീസ് കേസ് എടുത്തു.
പ്രതികരിക്കാൻ ഇവിടെ എഴുതുക: