ടെഹ്റാന്: യമനില് വധശിക്ഷയ്ക്ക് വിധിക്കപ്പെട്ട ജയിലില് കഴിയുന്ന മലയാളി നഴ്സ് നിമിഷ പ്രിയയുടെ മോചനത്തിനായി ശ്രമിക്കുന്നുണ്ടെന്ന് ഇറാന്.യെമന് അധികൃതരുമായി ഇക്കാര്യത്തില് ചര്ച്ചകള് നടക്കുന്നുണ്ടെന്ന് ഇറാന് വിദേശകാര്യ മന്ത്രി സെയ്ദ് അബ്ബാസ് അറിയിച്ചു.
നിമിഷപ്രിയയുടെ മാത്രമല്ല മറ്റു പലരുടെയും മോചനത്തിനായി ശ്രമിക്കുന്നുണ്ടെന്നും ഇറാന് വിദേശകാര്യ മന്ത്രി അറിയിച്ചു.
നിമിഷ പ്രിയയുടെ മോചന വിഷയം കഴിഞ്ഞ ദിവസം രാജ്യസഭയില് ചര്ച്ചയായിരുന്നു. നിമിഷപ്രിയയുടെ കുടുംബത്തിന്റെ ആവശ്യപ്രകാരം വിദേശകാര്യമന്ത്രാലയത്തിന്റെ അക്കൗണ്ടിലൂടെ 40,000 ഡോളര് കൊല്ലപ്പെട്ടയാളുടെ കുടുംബത്തിന് കൈമാറിയെന്ന് കേന്ദ്ര മന്ത്രി കീര്ത്തിവര്ധന് സിംഗ് അറിയിച്ചു. ഇനിയുള്ള നടപടികള്ക്കായി നിമിഷപ്രിയയുടെ കുടുംബവും കൊല്ലപ്പെട്ടയാളുടെ കുടുംബവും തമ്മില് ചര്ച്ച തുടരുകയാണെന്നും വിദേശ കാര്യ മന്ത്രി വെളിപ്പെടുത്തി.
നിമിഷപ്രിയയുടെ അമ്മയ്ക്ക് യെമനിലേക്ക് പോകാന് സൗകര്യം നല്കി. ചര്ച്ചയ്ക്ക് പവര് ഓഫ് അറ്റോണിയെ നിയോഗിച്ചു.അഭിഭാഷകന്റെ സഹായം വിദേശകാര്യമന്ത്രാലയം ഫണ്ട് ഉപയോഗിച്ച് ഉറപ്പാക്കി. ആക്ഷന് കൗണ്സില് കൊല്ലപ്പെട്ടയാളുടെ കുടുംബത്തിന് നല്കാന് പിരിച്ച ചോരപ്പണം യെമനില് എത്തിക്കാനും സഹായം നല്കി. എന്നാല് മോചനം സാധ്യമാക്കാന് രണ്ട് കുടുംബങ്ങള്ക്കുമിടയില് നടക്കുന്ന ചര്ച്ച വിജയിക്കേണ്ടതുണ്ടെന്ന് മന്ത്രി പറഞ്ഞു.
2017 ജൂലൈയിലാണ് നിമിഷ പ്രിയ അറസ്റ്റിലായത്. 2020ലാണ് വധശിക്ഷ വിധിച്ചത്. നിമിഷപ്രിയ നല്കിയ അപ്പീലുകളെല്ലാം തള്ളി.
