ന്യൂദല്‍ഹി: റെയില്‍വേ സ്‌റ്റേഷനില്‍ തിക്കിലും തിരക്കിലും പെട്ട് 15ഓളം പേര്‍ക്ക് പരിക്ക്. അഗ്‌നിരക്ഷാസേന സ്ഥലത്തെത്തി.
പ്ലാറ്റ്‌ഫോം 13, 14, 15 എന്നിവിടങ്ങളിലാണ് തിക്കും തിരക്കുമനുഭവപ്പെട്ടത്. പ്രയാഗ് രാജിലെ മഹാ കുംഭമേളയില്‍ പങ്കെടുക്കാനായി എത്തിയ ഭക്തരായിരുന്നു ഭൂരിഭാഗവും. പരിക്കേറ്റവരെ ആശുപത്രിയില്‍ പ്രവേശിപ്പിച്ചു. സ്ഥിതി നിയന്ത്രണ വിധേയമായിട്ടുണ്ട്.
സ്വതന്ത്ര സേനാനി എക്‌സ്പ്രസും ഭുവനേശ്വര്‍ രാജധാനിയും വൈകിയതും പ്ലാറ്റ്‌ഫോമില്‍ ആളുകളുടെ എണ്ണം കൂടുന്നതിന് കാരണമായെന്നാണ് അറിയുന്നത്.. 1500ഓളം ജനറല്‍ ടിക്കറ്റുകള്‍ ആണ് സ്‌റ്റേഷനില്‍ വിറ്റത്. ഇതെല്ലാം തിരക്ക് അധികരിക്കാന്‍ കാരണമായി.
തിരക്ക് കുറയ്‌ക്കാന്‍ പ്രത്യേക ട്രയിനുകള്‍ ഓടിക്കുമെന്ന് കേന്ദ്ര റെയില്‍ വേ മന്ത്രി അറിയിച്ചു.
പ്രതികരിക്കാൻ ഇവിടെ എഴുതുക