ഇന്ത്യയിലെ മാധ്യമമേഖലയും വിദ്യാഭ്യാസസംവിധാനവും സാംസ്കാരികസ്ഥാപനങ്ങളും ഇടതുപക്ഷ ആശയങ്ങൾക്ക് വലിയ പ്രാധാന്യം നൽകുന്ന തരത്തിൽ രൂപം കൊണ്ടിരിക്കുകയാണ്. ഇത് യാദൃശ്ചികമായി സംഭവിച്ച ഒന്നല്ല; മറിച്ച്, ഉദ്ദേശപൂർവമായ ആസൂത്രിത ശ്രമങ്ങളുടെ ഫലമായാണ് ഇതു വികാസം പ്രാപിച്ചത്. ഇക്കാര്യത്തിൽ യുഎസ്എഐഡി (United States Agency for International Development) നിർണായക പങ്ക് വഹിച്ചുവെന്നതാണ് വിക്കിലീക്സിന്റെ പുതിയ വെളിപ്പെടുത്തൽ.
വിദേശരാഷ്‌ട്രങ്ങള്‍ക്ക് സാമ്പത്തികസഹായം നല്‍കുന്നതിന് യു.എസ്. ഏര്‍പ്പെടുത്തിയ അന്താരാഷ്‌ട്ര വികസന ഏജന്‍സി്(യുഎസ്എയിഡ്)യുടെ നിഗൂഢ സ്വാധീനത്തെക്കുറിച്ച് ആശങ്കകള്‍ വര്‍ദ്ധിച്ചുകൊണ്ടിരിക്കുന്ന സമയത്താണ് ഈ വെളിപ്പെടുത്തല്‍ ഉണ്ടായത് എന്നത് ശ്രദ്ധേയമാണ്. ഇന്റര്‍ന്യൂസ് നെറ്റ്‌വര്‍ക്കിലേക്ക് ഏകദേശം 4000 കോടി രൂപ (4726 ലക്ഷം ഡോളര്‍ ) യുഎസ്എയിഡ് നിക്ഷേപിച്ചതായി വിക്കിലീക്‌സ് വെളിപ്പെടുത്തി.
ഈ വെളിപ്പെടുത്തലുകൾ ഇന്ത്യൻ മാധ്യമമേഖലയെ ആരാണ് നിയന്ത്രിക്കുന്നത്, അവരുടെ ആജണ്ട എന്താണ്, വിദേശ ശക്തികളുടെ പങ്കെന്ത്? എന്ന ചോദ്യങ്ങൾക്ക് വ്യക്തമായ ഉത്തരങ്ങൾ നൽകുന്നു.
യുഎസ്എഐഡി, ഇന്റർന്യൂസ് ബന്ധം
യുഎസ്എഐഡി 100-ലധികം രാജ്യങ്ങളിൽ പ്രവർത്തിക്കുന്ന അമേരിക്കൻ മാധ്യമ സംഘടനയായ ഇന്റർന്യൂസ് നെറ്റ്‌വർക്കിന് സാമ്പത്തിക പിന്തുണ നൽകുന്നുണ്ടെന്ന് വിക്കിലീക്‌സ് പുറത്തുവിട്ട രേഖകൾ വ്യക്തമാക്കുന്നു. പ്രൊപഗണ്ട ആഖ്യാനങ്ങൾ സ്ഥാപിക്കാൻ സ്വതന്ത്ര മാധ്യമങ്ങളെ ഉപയോഗിക്കുന്ന ഒരു പദ്ധതിയുടെ ഭാഗമായിട്ടാണ് ഇത് നടപ്പിലാക്കിയത്.
ഇന്റർന്യൂസ് 4,000-ലധികം മാധ്യമസ്ഥാപനങ്ങളുമായി സഹകരിച്ച് പ്രവർത്തിക്കുന്നതിന്റെ ഭാഗമായി, ന്യൂസ് ഏജൻസികൾക്കും പത്രപ്രവർത്തകർക്കും ഇടതുപക്ഷ ആശയങ്ങളും അമേരിക്കൻ സ്റ്റേറ്റ് ഡിപ്പാർട്ട്മെന്റിന്റെ കാഴ്ചപ്പാടുകളും പ്രചരിപ്പിക്കുന്ന പരിശീലനം നൽകുന്നു. ഇവർ അവരുടെ ധനസഹായ പട്ടികയിൽ യുഎസ്എഐഡിനെ പരസ്യമായി ചർച്ച ചെയ്യാറില്ല, എന്നാൽ പ്രത്യക്ഷ്യമായി അമേരിക്കൻ സർക്കാരിന്റെ സഹായം ഈ കൂട്ടായ്മയ്‌ക്ക് ലഭിക്കുന്നുണ്ട്.
ഇൻ്റർന്യൂസും അതിന്റെ ഇന്ത്യൻ പ്രവർത്തനങ്ങളും
ഇന്ത്യയിൽ ഇന്റർന്യൂസ് ഡൽഹി ആസ്ഥാനമായ DataLeads എന്ന മാധ്യമ സ്ഥാപനത്തിലൂടെ പ്രവർത്തിക്കുന്നു. ഗൂഗിള്‍ ഫണ്ടിംഗോടെ DataLeads “FactShala” എന്ന ഒരു വസ്തുതാ പരിശോധനാ പദ്ധതി നടപ്പിലാക്കുന്നു. ഇത് രാജ്യത്ത് മാധ്യമപ്രവർത്തകരെ സൃഷ്ടിക്കാൻ ലക്ഷ്യമിടുന്നതാണ്. ഇതിന്റെ ഘടന:
ഇന്റർന്യൂസ് യുഎസ്എഐഡി ഫണ്ടിംഗിൽ പ്രവർത്തിക്കുന്നു.
ഗൂഗിളുമായി ചേർന്ന് ഗ്ലോബൽ മീഡിയ ട്രെയിനിങ് നടത്തുന്നു.
FactShala-യുടെ ബാനറിന് കീഴിൽ DataLeads ഇന്ത്യയിൽ പ്രോഗ്രാമുകൾ നടപ്പിലാക്കുന്നു.
പ്രശാന്ത് ഭൂഷന്റെ നേതൃത്വത്തിലുള്ള “സംഭാവ്ന ഇൻസ്റ്റിറ്റ്യൂട്ട് ഓഫ് പബ്ലിക് പോളിസി ആൻഡ് പൊളിറ്റിക്സ്” (SIPP) മുഖേന ഇത് നിയന്ത്രിക്കുന്നു.
‘സംഭാവ്ന’ ഇൻസ്റ്റിറ്റ്യൂട്ട് ആൻഡ് ഇടതുപക്ഷ പ്രവർത്തനം
പ്രശാന്ത് ഭൂഷന്റെ അമ്മയുടെ പേരിൽ 2004-ൽ ഹിമാചൽ പ്രദേശിലെ പാലംപൂരിൽ സ്ഥാപിച്ച ഈ സ്ഥാപനത്തിൽ 2,500-ലധികം ശിൽപശാലകളും 75,000-ലധികം മാധ്യമപ്രവർത്തകരെ പരിശീലിപ്പിക്കുകയും 6.5 കോടി ജനങ്ങളിലേക്ക് അവരുടെ പ്രചാരണം എത്തിക്കുകയും ചെയ്തു.
പ്രധാനമായ ഇടതുപക്ഷ മാധ്യമപ്രവർത്തകരായ രവീഷ് കുമാർ, ആകാശ് ബാനർജി, യോഗേന്ദ്ര യാദവ്, ഹർഷ് മന്ദർ, കവിതാ കൃഷ്ണൻ, സന്ദീപ് ചൗധരി, പ്രഞ്‌ജോയ് ഗുഹ താകൂർത്ത തുടങ്ങിയവർ ഈ സ്ഥാപനവുമായി ബന്ധപ്പെട്ടിരിക്കുന്നു.
വസ്തുത പരിശോധനയുടെ മറവിൽ സ്വാധീനമുറപ്പിക്കൽ
കാശ്മീരി മാധ്യമപ്രവര്‍ത്തകന്‍ സയ്യിദ് നസാക്കത്ത് സ്ഥാപിച്ച ഡാറ്റലീഡ്‌സിന്റെ കീഴില്‍ പ്രവര്‍ത്തിക്കുന്ന ഒരു സംരംഭമാണ് ഫാക്റ്റ്ശാല.ഫോര്‍ഡും സോറോസും ധനസഹായം നല്‍കുന്ന ജേണലിസ്റ്റ് ഗ്രൂപ്പായ ഗ്ലോബല്‍ ഇന്‍വെസ്റ്റിഗേറ്റീവ് ജേണലിസം നെറ്റ്‌വര്‍ക്കിന്റെ ബോര്‍ഡ് അംഗമാണ് സയ്യിദ് നസാക്കത്ത് . പദ്ധതിയുടെ ഭാഗമായി, 250ലധികം മാധ്യമപ്രവര്‍ത്തകര്‍, മാധ്യമ അധ്യാപകര്‍, ഫാക്റ്റ് ചെക്കര്‍മാര്‍, സന്നദ്ധ പ്രവര്‍ത്തകര്‍, കമ്യൂണിറ്റി റേഡിയോ സ്‌റ്റേഷനുകള്‍ എന്നിവയുടെ കൂട്ടായ്മ പ്രവര്‍ത്തിക്കുന്നു.
FactShala, Alt News എന്നിവയുമായി സഹകരിച്ച് DataLeads വസ്തുത പരിശോധനാ ശിൽപശാലകൾ നടത്തുന്നു. ഇത് മാധ്യമവ്യവസ്ഥയുടെ ഇടതുപക്ഷ ചായ്‌വിന് ശക്തമായ പിന്തുണ നൽകുന്ന ഒരു ബന്ധം രൂപപ്പെടുത്തുന്നു.
FactShala-യുടെ അംബാസഡർമാരിൽ പ്രമുഖരായ ശേഖർ ഗുപ്ത (The Print), രിതു കപൂർ (The Quint), ഫെയ് ഡിസൂസ (Beatroot News), ജയന്ത് മാമ്മന്‍ മാത്യു (Malayala Manorama) തുടങ്ങിയവർ ഉൾപ്പെടുന്നു. ഇവർ വിവരങ്ങളുടെ ഒഴുക്ക് നിയന്ത്രിക്കുകയും ‘തെറ്റായ വിവരങ്ങൾ’ എന്ന നിലയിൽ തരംതിരിക്കുകയും ചെയ്യുന്നു.
ഇന്റര്‍ന്യൂസ് നെറ്റ്‌വര്‍ക്കും ഫാക്ട്ശാലയും പക്ഷപാതരഹിതമായ സമീപനം നിലനിര്‍ത്താന്‍ മാധ്യമപ്രവര്‍ത്തകരെ ബോധവത്കരിക്കുന്നതിനുപകരം, പ്രത്യയശാസ്ത്ര സ്വാധീനത്തിനുള്ള ഉപകരണമായി മാധ്യമ സാക്ഷരതയെ മറയാക്കുകയായിരുന്നു.ഫാക്ട്ശാലയ്‌ക്ക് പിന്നില്‍ വ്യക്തമായ പ്രത്യയശാസ്ത്ര ചായ്‌വുള്ളവരാണ്. അവരുടെ പരിശീലന പരിപാടികള്‍ സംഘടന അവകാശപ്പെടുന്നത് പോലെ നിഷ്പക്ഷമല്ല.
വിദേശ ധനസഹായ ശൃംഖല
ഇന്റർന്യൂസിന് സാമ്പത്തിക പിന്തുണ നൽകുന്ന പ്രമുഖ ആഗോള സംഘടനകൾ:
ഫോർഡ് ഫൗണ്ടേഷൻ
റോക്കഫെല്ലർ ഫൗണ്ടേഷൻ
ഓപ്പൺ സൊസൈറ്റി ഫൗണ്ടേഷൻ (ജോർജ് സോറോസ് ഫണ്ടഡ്)
മക്ആർതർ ഫൗണ്ടേഷൻ
ഒമിദ്യാർ നെറ്റ്‌വർക്ക്
സ്കോൾ ഫൗണ്ടേഷൻ
ഇന്ത്യയിലെ യുഎസ്എഐഡിയുടെ സ്വാധീനം
മാധ്യമ പരിശീലനം മാത്രമല്ല, ഇന്ത്യയുടെ രാഷ്‌ട്രീയ വ്യവസ്ഥിതിയെ സ്വാധീനിക്കാനും യുഎസ്എഐഡി ശ്രമിക്കുന്നു. ഇന്ത്യാ വിരുദ്ധ, സർക്കാർ വിരുദ്ധ പ്രവർത്തനങ്ങൾക്ക് യുഎസ്എഐഡി ധനസഹായം നൽകിയിട്ടുണ്ടെന്ന് കണ്ടെത്തിയിട്ടുണ്ട്:
ഇന്റർനാഷണൽ ആൻ്റി കറപ്ഷൻ കോൺഫറൻസ് (IACC) – ടൂൾകിറ്റ് കേസിൽ അറസ്റ്റിലായ ദിഷ രവിയ്‌ക്ക് പിന്തുണ നൽകിയ പ്ലാറ്റ്ഫോം.
ഇക്വാലിറ്റി ലാബ്സ് – ദളിത് അവകാശങ്ങൾ എന്ന പേരിൽ ഭിന്നിപ്പിക്കുന്ന പ്രചാരണം നടത്തുന്ന യുഎസ് ആസ്ഥാനമുള്ള എൻജിഒ. പാകിസ്ഥാനുമായി ബന്ധമുള്ള ഭജൻ സിംഗ് ഭിന്ദറുമായി ഇതിന് ബന്ധമുണ്ട്.
നരേന്ദ്രമോദിയുടെ മുന്നറിയിപ്പ്
ഇന്ത്യയ്‌ക്കെതിരെ ഗൂഢാലോചന നടത്താൻ വിദേശശക്തികൾ ശ്രമിക്കുന്നതായി പ്രധാനമന്ത്രി നരേന്ദ്രമോദി മുന്നറിയിപ്പ് നൽകിയിരുന്നു. 2024 ഒക്‌ടോബർ 8-ന് ഹരിയാന നിയമസഭാ തിരഞ്ഞെടുപ്പിന്റെ വിജയത്തിനുശേഷം മോദി പ്രസ്താവിച്ചിരുന്നുപോലെ, “ഇന്ത്യയെ സാമൂഹികരീതിയിലും ജനാധിപത്യരീതിയിലും ദുര്‍ബലപ്പെടുത്താൻ ഗൂഢാലോചനകൾ നടക്കുന്നുണ്ട്.”
യുഎസ്എഐഡിയുടെ പ്രവര്‍ത്തനം നിര്‍ത്താന്‍ ട്രംപ് ഭരണകൂടം തീരുമാനിച്ചിരുന്നു. ഗവണ്‍മെന്റ് എഫിഷ്യന്‍സി വകുപ്പിന്റെ മേധാവിയായി നിയമിതനായ ഇലോണ്‍ മസ്‌ക്, അന്താരാഷ്‌ട്ര വികസന ഏജന്‍സി ഒരു ക്രിമിനല്‍ ഓര്‍ഗനൈസേഷനാണെന്നും അതു പൂര്‍ണ്ണമായും പിരിച്ചുവിടണമെന്നും ട്രംപിനോട് ആവശ്യപ്പെട്ടിരുന്നു. അതിന് പിന്നാലെയാണ് അടച്ചുപൂട്ടാനുള്ള തീരുമാനം കൈക്കൊണ്ടത്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: