ന്യൂഡല്‍ഹി : സഭാ തര്‍ക്കവുമായി ബന്ധപ്പെട്ട കേസില്‍ ഇരുവിഭാഗങ്ങളിലെയും വിശ്വാസികളുടെ എണ്ണം ഉള്‍പ്പെടെയുള്ള കണക്കുകള്‍ സംസ്ഥാന സര്‍ക്കാര്‍ സുപ്രീം കോടതിക്കു കൈമാറി. വിശ്വാസികളുടെ എണ്ണം, തര്‍ക്കത്തിലുള്ള പള്ളികള്‍ അടക്കമുള്ള കണക്കുകള്‍ സമാഹരിച്ച് കൈമാറണമെന്ന് ഡിസംബര്‍ 17 ന് കോടതി നിര്‍ദേശിച്ചിരുന്നു. കണക്കുകള്‍ പുറത്തുവിടരുതെന്നും രഹസ്യരേഖയായി കൈമാറണമെന്നും സുപ്രീം കോടതി പ്രത്യേകം ഓര്‍മ്മിപ്പിച്ചിരുന്നു.
അതേസമയം മലങ്കരസഭാ കേസില്‍ കണക്കെടുപ്പ് പ്രസക്തമല്ലെന്ന സുപ്രീംകോടതി നിലപാട് സ്വാഗതം ചെയ്യുന്നുവെന്ന് ഓര്‍ത്തഡോക്‌സ് സഭ മാധ്യമ വിഭാഗം തലവന്‍ ഡോ. യു ഹാനോന്‍ മാര്‍ ദിയസ്‌കോറസ് പറഞ്ഞു . ആറുപള്ളികള്‍ ഏറ്റെടുക്കുന്ന വിഷയത്തില്‍ ഹൈക്കോടതിയുടെ കോടതിയലക്ഷ്യനടപടികള്‍ റദ്ദാക്കിയ സുപ്രീംകോടതി ഉത്തരവ് യാക്കോബായ സഭയ്‌ക്കും വലിയ ആശ്വാസമാണെന്ന് മീഡിയ സെല്‍ ചെയര്‍മാന്‍ ഡോ. കുര്യാക്കോസ് മാര്‍ തെയോഫിലോസ് അഭിപ്രായപ്പെട്ടു.
പ്രതികരിക്കാൻ ഇവിടെ എഴുതുക