പുതുപ്പള്ളി: സ്‌നേഹം കൊണ്ട് മനസ്സ് കീഴടക്കിയ സംഘാടകനായിരുന്നു പി. ശിവകുമാര്‍ എന്ന് ആര്‍.എസ്.എസ് സഹപ്രാന്തകാര്യവാഹ് കെ.ബി. ശ്രീകുമാര്‍. സാമ്പത്തിക നിലയോ വിദ്യാഭ്യാസ യോഗ്യതയോ അല്ല സംഘടനാ പ്രവര്‍ത്തനത്തിന് ആവശ്യഘടകം എന്നത് ശിവകുമാര്‍ തന്റെ ജീവിതം കൊണ്ട് തെളിയിച്ചു. തിരുനക്കര ശ്രീകൃഷ്ണ സ്വാമിക്ഷേത്രത്തിന്റെ മാനേജരായിരുന്ന തൃക്കോതമംഗലം പാറക്കാട് പി. ശിവകുമാറിന്റെ അനുസ്മരണ ചടങ്ങില്‍ സംസാരിക്കുകയായിരുന്നു അദ്ദേഹം.
ജീവിതത്തിലെ പ്രതിസന്ധികളെ പുഞ്ചിരിയോടെ നേരിട്ട ശിവകുമാര്‍ എക്കാലത്തും സഹപ്രവര്‍ത്തകര്‍ക്ക് മാതൃകയും ആശ്രയവുമായിരുന്നു. ശ്രീകുമാര്‍ പറഞ്ഞു.
ജില്ലാ പഞ്ചായത്ത് അംഗം സുധാ കുര്യന്‍ അനുസ്മരണ സമ്മേളനം ഉദ്ഘാടനം ചെയ്തു. ‘രാഷ്‌ട്രീയത്തിന്നപ്പുറം എല്ലാവരുടേയും സ്‌നേഹം പിടിച്ചു പറ്റിയ വ്യക്തിയായിരുന്നു ശിവകുമാര്‍. ചിലരുടെ മഹത്വം മരണശേഷമാണ് കൂടുതല്‍ തിരിച്ചറിയുന്നത്. ശിവകുമാര്‍ അത്തരത്തിലുള്ള ഒരാളായിരുന്നു,’ ് സുധാ കുര്യന്‍ പറഞ്ഞു.
ആര്‍.എസ്.എസ് വിഭാഗ് സംഘചാലക് പി.പി. ഗോപി യോഗത്തിന് അധ്യക്ഷത വഹിച്ചു. വിശ്വഹിന്ദു പരിഷത് സംസ്ഥാന ജനറല്‍ സെക്രട്ടറി വി.ആര്‍. രാജശേഖരന്‍, എസ്.എന്‍.ഡി.പി ശാഖായോഗം സെക്രട്ടറി പി.കെ. മുരളി, പഞ്ചായത്ത് അംഗം ജോബി വര്‍ഗീസ്, ആര്‍. രാധാകൃഷ്ണന്‍ (ജന്മഭൂമി), ആര്‍.എസ്.എസ് വിഭാഗ് സമ്പര്‍ക്ക പ്രമുഖ് എം.ബി. ഉണ്ണികൃഷ്ണന്‍, സക്ഷമ സംസ്ഥാന കോര്‍ഡിനേറ്റര്‍ എന്‍. ശ്രീജിത്ത്, കവിമൊഴി ചീഫ് എഡിറ്റര്‍ ബാലചന്ദ്രന്‍ അമ്പലപ്പാട്ട്, ഡോ. രാമാനുജന്‍, കെ.എന്‍. ബാലകൃഷ്ണന്‍, സി.വി. വിജയേഷ് എന്നിവര്‍ അനുസ്മരണ പ്രസംഗം നടത്തി.
നേത്രങ്ങള്‍ സഹജീവികളുടെ വെളിച്ചത്തിനായി ദാനം ചെയ്ത പിതാവിന്റെ പാത പിന്തുടര്‍ന്ന ശിവകുമാറിന്റെ കര്‍മ്മം ശ്രേഷ്ഠമാണെന്ന് ശിവഗിരിമഠം പ്രസിഡന്റ് സ്വാമി സച്ചിദാനന്ദ അനുശോചന സന്ദേശത്തില്‍ പറഞ്ഞു.
മിസോറാം മുന്‍ ഗവര്‍ണര്‍ കുമ്മനം രാജശേഖരന്‍, ചാണ്ടി ഉമ്മന്‍ എം.എല്‍.എ, വാകത്താനം പഞ്ചായത്ത് പ്രസിഡന്റ് ഗീതാ രാധാകൃഷ്ണന്‍, മുതിര്‍ന്ന ആര്‍.എസ്.എസ് പ്രചാരകന്മാരായ എസ്. സേതുമാധവന്‍, ഹരികൃഷ്ണകുമാര്‍, കെ. ഗോവിന്ദന്‍ കുട്ടി, സി.സി. സെല്‍വന്‍, കാ.ഭ. സുരേന്ദ്രന്‍, നാരായണ്‍ജി,പി. ഉണ്ണികൃഷ്ണന്‍, പ്രാന്തകാര്യവാഹ് ടി.വി. പ്രസാദ് ബാബു,
സഹകാര്‍ഭാരതി സംസ്ഥാന പ്രസിഡന്റ് കെ രാജശേഖരന്‍, സംഘടനാ സെക്രട്ടറി കെ ആര്‍ കണ്ണന്‍, ബാലഗോകുലം അധ്യക്ഷന്‍ ഡോ. എന്‍. ഉണ്ണികൃഷ്ണന്‍, പൊതുകാര്യദര്‍ശി കെ.എന്‍. സജികുമാര്‍, സംഘടനാ സെക്രട്ടറി എ. രഞ്ജു കുമാര്‍, ബി.ജെ.പി നേതാക്കളായ ഏറ്റുമാനൂര്‍ രാധാകൃഷ്ണന്‍, ബി.രാധാകൃഷ്ണ മേനോന്‍, എന്‍. ഹരി, ജിതിന്‍ ലാല്‍, സന്ദീപ് വാചസ്പതി, ടി.എന്‍. ഹരികുമാര്‍ ഹിന്ദു ഐക്യവേദി സംസ്ഥാന സെക്രട്ടറി കെ പി ഹരിദാസ്, ദേശീയ അധ്യാപക പരിഷത്ത് സംസ്ഥാന സെക്രട്ടറി ആര്‍ ജിഗി, കേരള ഹിന്ദൂസ് ഓഫ് നോര്‍ത്ത് അമേരിക്ക പ്രസിഡന്റ് ഡോ. നിഷ പിള്ള, ജനറല്‍ സെക്രട്ടറി മധൂ ചെറിയേടത്ത്, മുൻ പ്രസിഡൻ്റ് വെങ്കിട് ശർമ്മ,ട്രസ്റ്റി ബോര്‍ഡ് അംഗം അനില്‍കുമാര്‍ ആറന്മുള, ജന്മഭൂമി എഡിറ്റര്‍ കെ.എന്‍.ആര്‍. നമ്പൂതിരി, ഡപ്യൂട്ടി എഡിറ്റര്‍ അനില്‍ജി നമ്പൂതിരി, ന്യൂസ് എഡിറ്റര്‍ കെ.ഡി. ഹരികുമാര്‍, യൂണിറ്റ് മാനേജര്‍മാരായ സന്തോഷ്‌കുമാര്‍, ചന്ദ്ര ബാബു, എം.ആര്‍. അനില്‍കുമാര്‍, മയിൽപ്പീലി ചീഫ് എഡിറ്റർ സി.കെ. ബാലകൃഷ്ണൻ,നേര്‍ക്കാഴ്ച ചീഫ് എഡിറ്റര്‍ സൈമണ്‍ വാളാച്ചേരി,എന്‍ എസ് എസ് ചങ്ങനാശ്ശേരി താലൂക്ക് യൂണിയന്‍ അംഗം വിനോദ് വാകത്താനം, കോട്ടയം വിജിലന്‍സ് ഡി.വൈ.എസ്.പി വി.ആര്‍. രവികുമാര്‍, നാഷണല്‍ സേവിംഗ്‌സ് ഡപ്യൂട്ടി ഡയറക്ടര്‍ ജ്യോതി തുടങ്ങിയ പ്രമുഖര്‍ വസതിയിലെത്തി അനുശോചനം അറിയിച്ചു.
