ന്യൂദല്ഹി:ഉത്തര്പ്രദേശിലെ പ്രയാഗ് രാജില് മഹാ കുംഭമേളക്കിടെ വീണ്ടും തീപിടിത്തം. വ്യാഴാഴ്ച വൈകിട്ടാണ് സന്യാസിമാരുടെ കൂട്ടായ്മകള് താമസിക്കുന്ന ടെന്റുകള്ക്ക് തീപിടിച്ചത്. സെക്ടര് 22 ലെ 15 ടെന്റുകള് കത്തിനശിച്ചെങ്കിലും ആളപായമില്ല. തീ കെടുത്തി.
സെക്ടര്,19ലും 20ലും ആഴ്ച്ചകള്ക്ക് മുമ്പ് തീപിടിച്ച സംഭവമുണ്ടായിരുന്നു. കഴിഞ്ഞ ദിവസം തിക്കിലും തിരക്കിലും പെട്ട് 30 പേര് മരിച്ചിരുന്നു.
അധികൃതര് സ്ഥലത്തെത്തി പരിശോധന നടത്തി. പ്രദേശത്തേക്ക് ജനം പ്രവേശിക്കുന്നതിന് വിലക്കേര്പ്പെടുത്തി. അതേസമയം, തിക്കിലും തിരക്കിലും ആളുകള് മരിച്ച സംഭവത്തില് ഉത്തര്പ്രദേശ് സര്ക്കാര് നിയോഗിച്ച ജുഡീഷ്യല് കമ്മീഷന് അപകട സ്ഥലം പരിശോധിച്ചു.
റിട്ട. ജസ്റ്റിസ് ഹര്ഷ് കുമാര് ചെയര്മാനായ സമിതിയില് റിട്ട. ഐഎഎസ് ഉദ്യോഗസ്ഥന് ഡി.കെ. സിംഗ്, റിട്ട. ഐപിഎസ് ഉദ്യോഗസ്ഥന് വി.കെ. ഗുപ്ത എന്നിവരാണ് അംഗങ്ങള്. അന്വേഷണം പൂര്ത്തിയാക്കാന് ഒരു മാസം സമയമാണ് നല്കിയിട്ടുളളത്.
മൗനി അമാവാസി സ്നാന ചടങ്ങിനിടെയുണ്ടായ തിക്കിലും തിരക്കിലും 30 പേര് മരിക്കുകയും 60 പേര്ക്ക് പരിക്കേല്ക്കുകയും ചെയ്തിരുന്നു.
