പാലക്കാട്: നെന്മാറ ഇരട്ടക്കൊലക്കേസ് പ്രതി ചെന്താമരയെ ജയില് മാറ്റി. ആലത്തൂര് സബ് ജയിലില് നിന്നും വിയ്യൂര് സെന്ട്രല് ജയിലിലേക്കാണ് മാറ്റിയത്.
വിയ്യൂരിലെ അതീവസുരക്ഷാജയിലിലെ ഒറ്റസെല്ലിലേക്കാണ് ചെന്താമരയെ മാറ്റിയത്. വ്യാഴാഴ്ച രാത്രി എട്ടുമണിയോടെ അതീവസുരക്ഷയിലായിരുന്നു ചെന്താമരയെ ജയില് മാറ്റിയത്.
ഇയാള്ക്കൊപ്പം കഴിയാന് സഹതടവുകാര് വിമുഖത കാണിച്ചതോടെ സുരക്ഷാ പ്രശ്നങ്ങളുണ്ടെന്ന് കാട്ടി ജയില് അധികൃതര് നല്കിയ അപേക്ഷ ആലത്തൂര് കോടതി അംഗീകരിക്കുകയായിരുന്നു.
2019ല് സജിതയെ കൊലപ്പെടുത്തിയ കേസില് വിയ്യൂര് സെന്ട്രല് ജയിലില് വിചാരണത്തടവുകാരനായിരിക്കെയാണ് ജാമ്യംനേടി പുറത്തിറങ്ങി ചെന്താമര ഇരട്ടക്കൊലപാതകം നടത്തിയത്.
