മലപ്പുറം:മഞ്ചേരി പുല്‍പ്പറ്റ ഒളമതിലില്‍ മൂന്ന് മാസം പ്രായമായ കുഞ്ഞിനെ കൊലപ്പെടുത്തിയ ശേഷം അമ്മ ആത്മഹത്യ ചെയ്തത് കാഴ്ച കുറയുന്നതിലുള്ള മനോവിഷമത്തിലാണെന്ന് വിവരം.ഒളമതില്‍ ആലുങ്ങാ പറമ്പില്‍ മിനിമോളും (42) ഇവരുടെ മൂന്ന് മാസം പ്രായമായ ആണ്‍ കുഞ്ഞുമാണ് മരിച്ചത്.
വ്യാഴാഴ്ച പുലര്‍ച്ച 5.30 ഓടെയാണ് സംഭവം. സഹോദരന്റെ ഭാര്യയാണ് മിനിമോളുടെ മൃതദേഹം ആദ്യം കണ്ടത്. തുടര്‍ന്നാണ് കുളിമുറിയിലെ ബക്കറ്റിലെ വെളളത്തില്‍ തലകീഴായി കിടക്കുന്ന കുഞ്ഞിന്റെ മൃതദേഹം കണ്ടത്തിയത്.
വീട്ടില്‍ നിന്ന് കണ്ടെത്തിയ ആത്മഹത്യാ കുറിപ്പിലാണ് കാഴ്ച കുറഞ്ഞ് വരുന്നതിനാല്‍ കുഞ്ഞിനേയും ഭര്‍ത്താവിനെയും നോക്കാന്‍ കഴിയില്ലെന്ന മനോവിഷമം പ്രകടിപ്പിച്ചിട്ടുളളത്. പൊലീസ് അന്വേഷണം ആരംഭിച്ചു.
മാവൂരിലാണ് മിനിമോളുടെ ഭര്‍ത്താവിന്റെ വീട്. മിനിയുടെ സ്വന്തം വീട്ടില്‍ വച്ചാണ് ആത്മഹത്യ ചെയ്തത്.ആരെയും കുറ്റപ്പെടുത്തേണ്ടെന്നും താന്‍ മരിക്കുകയാണെന്നും കുഞ്ഞിനെയും കൊണ്ടുപോവുകയാണെന്നുമാണ് ആത്മഹത്യാ കുറിപ്പിലുള്ളതെന്ന് പൊലീസ് വെളിപ്പെടുത്തി.
പ്രതികരിക്കാൻ ഇവിടെ എഴുതുക: